ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 5 ਅਪਰੈਲ
ਬੀਤੀ ਰਾਤ ਵੀ ਕਈ ਇਲਾਕਿਆਂ ਵਿੱਚ ਅਣਪਛਾਤੇ ਵਿਅਕਤੀ ਕਾਰਾਂ ਦੇ ਟਾਇਰ ਅਤੇ ਅਲੌਏ ਵ੍ਹੀਲ ਚੋਰੀ ਕਰਕੇ ਲੈ ਗਏ ਹਨ। ਥਾਣਾ ਦੁੱਗਰੀ ਦੀ ਪੁਲੀਸ ਨੂੰ ਫੇਸ ਤਿੰਨ ਅਰਬਨ ਅਸਟੇਟ ਦੁੱਗਰੀ ਵਾਸੀ ਅਜੇ ਸਹਿਗਲ ਨੇ ਦੱਸਿਆ ਹੈ ਕਿ ਉਸ ਦੀ ਮਾਰੂਤੀ ਕਾਰ ਫਲੈਟ ਦੇ ਬਾਹਰ ਖੜ੍ਹੀ ਸੀ। ਅਣਪਛਾਤੇ ਵਿਅਕਤੀ ਉਸ ਦੇ ਟਾਇਰ ਅਤੇ ਅਲੌਏ ਵ੍ਹੀਲ ਲਾਹ ਕੇ ਲੈ ਗਏ। ਇਸੇ ਤਰ੍ਹਾਂ ਦੁੱਗਰੀ ਵਾਸੀ ਮਨਹੋਰ ਲਾਲ ਦੀ ਸਿਆਜ਼ ਮਾਰੂਤੀ ਕਾਰ, ਗੁਰਪ੍ਰੀਤ ਸਿੰਘ ਵਾਸੀ ਜੇਜੇ ਐਨਕਲੇਵ ਦੁੱਗਰੀ ਦੀ ਟਾਟਾ ਪੰਚ ਕਾਰ ਅਤੇ ਗੁਰਪ੍ਰੀਤ ਸਿੰਘ ਪੁੱਤਰ ਇੰਦਰਪਾਲ ਸਿੰਘ ਦੀ ਟਾਟਾ ਗੱਡੀ ਦੇ ਟਾਇਰ ਅਤੇ ਅਲੌਏ ਵ੍ਹੀਲ ਲਾਹ ਕੇ ਲੈ ਗਏ ਹਨ। ਇਸੇ ਤਰ੍ਹਾਂ ਥਾਣਾ ਸਦਰ ਦੀ ਪੁਲੀਸ ਨੂੰ ਸਟਾਰ ਕਾਲੋਨੀ ਮਾਣਕਵਾਲ ਵਾਸੀ ਸਰਬਜੀਤ ਸਿੰਘ ਨੇ ਦੱਸਿਆ ਹੈ ਕਿ ਉਸ ਦੀ ਬੇਲੀਨੋ ਨੂੰ ਕਾਰ ਦੇ ਟਾਇਰ ਅਤੇ ਜਗਦੀਪ ਅਗਰਵਾਲ ਵਾਸੀ ਸ਼ਹੀਦ ਭਗਤ ਸਿੰਘ ਨਗਰ ਦੀ ਆਰਟੀਗਾ ਕਾਰ ਦੇ ਟਾਇਰ ਅਤੇ ਅਲੌਏ ਵੀਲ੍ਹ ਕੋਈ ਚੋਰੀ ਕਰਕੇ ਲੈ ਗਿਆ। ਪੁਲੀਸ ਨੇ ਮੁਲਜ਼ਮਾਂ ਖ਼ਿਲਾਫ਼ ਕਾਰਵਾਈ ਆਰੰਭ ਦਿੱਤੀ ਹੈ
