ਲੁਧਿਆਣਾ: ਸ੍ਰੀ ਹਿੰਦੂ ਨਿਆਂ ਪੀਠ ਵਲੋਂ ਦੀਵਾਨ ਟੋਡਰ ਮੱਲ ਸੇਵਾ ਰਸੋਈ ਦਾ ਤੀਸਰਾ ਬੂਥ ਸਲੇਮ ਟਾਬਰੀ, ਸ਼ੇਰਾਂ ਵਾਲਾ ਮੰਦਰ ਵਿੱਚ ਖੋਲ੍ਹਿਆ ਗਿਆ ਹੈ। ਇਸ ਦਾ ਉਦਘਾਟਨ ਪੀਠ ਦੇ ਮੁੱਖ ਬੁਲਾਰੇ ਪ੍ਰਵੀਨ ਡੰਗ ਦੀ ਅਗਵਾਈ ਹੇਠ ਸਨਾਤਨ ਧਰਮ ਗੁਰੂ ਅਜੇ ਵਸ਼ਿਸ਼ਠ, ਵਪਾਰੀ ਆਗੂ ਜੋਗਿੰਦਰ ਕਵਾਤ੍ਰਾ, ਸਮਾਜ ਸੇਵੀ ਰਮਨਜੀਤ ਲਾਲੀ, ਥਾਣਾ ਸਲੇਮ ਟਾਬਰੀ ਦੇ ਐੱਸਐੱਚਓ ਗੋਪਾਲ ਕ੍ਰਿਸ਼ਨ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਪ੍ਰਵੀਨ ਡੰਗ ਨੇ ਕਿਹਾ ਕਿ ਸੰਗਠਨ ਵਲੋਂ ਗਾਂਧੀ ਨਗਰ ਅਤੇ ਗਿੱਲ ਚੌਕ ਤੋਂ ਬਾਅਦ ਇਹ ਤੀਸਰਾ ਬੂਥ ਖੋਲ੍ਹਿਆ ਗਿਆ ਹੈ ਜਿਥੇ ਜ਼ਰੂਰਤਮੰਦਾਂ ਨੂੰ ਸਿਰਫ਼ 10 ਰੁਪਏ ਵਿੱਚ ਭੋਜਨ ਮਿਲੇਗਾ। ਉਨ੍ਹਾਂ ਕਿਹਾ ਕਿ ਇੱਥੇ ਕੋਵਿਡ ਮਰੀਜ਼ਾਂ ਨੂੰ ਮੁਫ਼ਤ ਭੋਜਨ ਦਾ ਪ੍ਰਬੰਧ ਕੀਤਾ ਗਿਆ ਹੈ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
