ਲੁਧਿਆਣਾ: ਇੱਕ ਫੈਕਟਰੀ ਵਿੱਚੋਂ ਅਣਪਛਾਤੇ ਵਿਅਕਤੀ ਮਾਲ ਚੋਰੀ ਕਰ ਕੇ ਲੈ ਗਏ ਹਨ। ਇਸ ਸਬੰਧੀ ਥਾਣਾ ਸਾਹਨੇਵਾਲ ਦੀ ਪੁਲੀਸ ਨੂੰ ਅਰਬਨ ਅਸਟੇਟ ਫੇਜ਼ 1 ਦੁੱਗਰੀ ਵਾਸੀ ਰੁਚਿਨ ਜਿੰਦਲ ਨੇ ਦੱਸਿਆ ਹੈ ਕਿ ਉਸਦੀ ਨਣਬਰਾ ਇੰਡਸਟਰੀ ਇੰਡਸਟਰੀ ਏਰੀਆ-ਸੀ ਢੰਡਾਰੀ ਖੁਰਦ ਵਿੱਚ ਹੈ। ਉਹ ਰਾਤ ਨੂੰ ਆਪਣੀ ਫੈਕਟਰੀ ਬੰਦ ਕਰਕੇ ਘਰ ਚਲਾ ਗਿਆ ਸੀ। ਅਗਲੇ ਦਿਨ ਸਵੇਰੇ ਉਸਨੇ ਆ ਕੇ ਦੇਖਿਆ ਤਾਂ ਫੈਕਟਰੀ ਦੇ ਮੇਨ ਗੇਟ ਅਤੇ ਅੰਦਰਲੇ ਹਾਲ ਦੇ ਤਾਲੇ ਟੁੱਟੇ ਹੋਏ ਸਨ ਤੇ ਫੈਕਟਰੀ ਵਿੱਚੋਂ ਨੱਟ ਬੋਲਟ, ਅਲਮੋਨੀਆ, ਕੋਪਰ, ਡਰਿੱਲ ਮਸ਼ੀਨ ਅਤੇ ਹੋਰ ਸਾਮਾਨ ਗਾਇਬ ਸੀ। ਪੁਲੀਸ ਵੱਲੋਂ ਕੇਸ ਦਰਜ ਕਰ ਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
