ਲੁਧਿਆਣਾ: ਇਥੇ ਵੱਖ-ਵੱਖ ਥਾਣਿਆਂ ਦੀ ਪੁਲੀਸ ਨੇ ਤਿੰਨ ਜਣਿਆਂ ਨੂੰ ਦੜਾ ਸੱਟਾ ਲਗਾਉਣ ਦੇ ਦੋਸ਼ ਤਹਿਤ ਗ੍ਰਿਫ਼ਤਾਰ ਕੀਤਾ ਹੈ। ਥਾਣਾ ਸਾਹਨੇਵਾਲ ਦੀ ਪੁਲੀਸ ਪਾਰਟੀ ਨੇ ਦੀਪ ਚੰਦ ਦੀ ਅਗਵਾਈ ਹੇਠ ਸਤਪਾਲ ਕਰਿਆਨਾ ਸਟੋਰ ਸੂਆ ਰੋਡ ਗਿਆਸਪੁਰਾ ਨੇੜੇ ਦਿਨੇਸ਼ ਕੁਮਾਰ ਵਾਸੀ ਪਿੱਪਲ ਚੌਕ ਅੰਬੇਦਕਰ ਨਗਰ ਨੂੰ ਦੜਾ ਸੱਟਾ ਲਗਾਉਂਦਿਆਂ ਗ੍ਰਿਫ਼ਤਾਰ ਕਰ ਕੇ 260 ਰੁਪਏ, ਪੈੱਨ ਅਤੇ ਗੱਤਾ ਬਰਾਮਦ ਕੀਤਾ ਹੈ। ਇਸੇ ਤਰ੍ਹਾਂ ਮਿਰਚੀ ਮੁਹੱਲਾ ਮਲੇਰਕੋਟਲਾ ਵਾਸੀ ਸੰਜੇ ਕੁਮਾਰ ਨੂੰ ਵੀ ਕਾਬੂ ਕਰ ਕੇ 240 ਰੁਪਏ ਅਤੇ ਪਰਚੀਆਂ ਬਰਾਮਦ ਕੀਤੀਆਂ ਗਈਆਂ ਹਨ। ਇਕ ਹੋਰ ਮਾਮਲੇ ਵਿੱਚ ਕੁਲਵਿੰਦਰ ਸਿੰਘ ਦੀ ਅਗਵਾਈ ਹੇਠਲੀ ਪੁਲੀਸ ਪਾਰਟੀ ਨੇ ਢੰਡਾਰੀ ਖੁਰਦ ਵਾਸੀ ਮੁਨੀਸ਼ ਕੁਮਾਰ ਨੂੰ ਬੱਸ ਅੱਡੇ ਨੇੜਲੀ ਆਪਣੀ ਦੁਕਾਨ ਦੇ ਬਾਹਰ ਦੜਾ ਸੱਟਾ ਲਗਾਉਂਦਿਆਂ ਕਾਬੂ ਕਰ ਕੇ 2950 ਰੁਪਏ, ਪੈੱਨ, ਗੱਤਾ ਅਤੇ ਪੈਡ ਬਰਾਮਦ ਕੀਤਾ ਹੈ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
