ਜਗਰਾਉਂ (ਪੱਤਰ ਪ੍ਰੇਰਕ): ਪੁਲੀਸ ਥਾਣਾ ਸਿੱਧਵਾਂ ਬੇਟ ਨੇ ਦੁਕਾਨਾਂ ਵਿੱ ਚੋਰੀ ਕਰਨ ਵਾਲੇ ਗਰੋਹ ਦੇ ਤਿੰਨ ਮੈਂਬਰਾਂ ਨੂੰ ਦੁਕਾਨ ਵਿੱਚੋਂ ਚੋਰੀ ਕੀਤੇ ਸਮਾਨ ਸਮੇਤ ਕਾਬੂ ਕੀਤਾ। ਪੀੜਤ ਦੁਕਾਨਦਾਰ ਪਰਵਿੰਦਰ ਸਿੰੰਘ ਨੇ ਦੱਸਿਆ ਕਿ ਦੋ ਦਿਨ ਪਹਿਲਾਂ ਭੂੰਦੜੀ ਥਾਣਾ ਸਿੱਧਵਾਂ ਬੇਟ ਵਿੱਚ ਦੁਕਾਨ ਵਿੱਚੋਂ ਚੋਰਾਂ ਨੇ ਦੋ ਐੱਲਈਡੀ 43” ਤੋਸ਼ਬਿਾ ਕੰਪਨੀ, ਬੁਸ਼ ਕੰਪਨੀ 24”, ਹੋਮ ਥੀਏਟਰ ਆਦਿ ਚੋਰੀ ਕਰ ਲਏ ਸਨ। ਚੋਰਾਂ ਨੂੰ ਫੜਨ ਅਤੇ ਸ਼ਨਾਖਤ ਲਈ ਏਐੱਸਆਈ ਦਲਜੀਤ ਸਿੰਘ ਅਤੇ ਪੀੜਤ ਪਰਵਿੰਦਰ ਸਿੰਘ ਨੇ ਸਾਂਝੀ ਮੁਹਿੰਮ ਅਰੰਭੀ।ਪੁਲੀਸ ਨੇ ਅੰਮ੍ਰਿਤਪਾਲ ਸਿੰਘ ਨਾਇਕ, ਅਰਜਨ ਸਿੰਘ ਅਜੈ ਦੋਵੇਂ ਵਾਸੀ ਪਿੰਡ ਭੂੰਦੜੀ ਅਤੇ ਜਗਦੀਪ ਸਿੰਘ ਜੱਸੂ ਵਾਸੀ ਪਿੰਡ ਕੋਟਮਾਨ ਨੂੰ ਗ੍ਰਿਫਤਾਰ ਕੀਤਾ। ਏਐੱਸਆਈ ਦਲਜੀਤ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਕੋਲੋਂ ਚੋਰੀ ਕੀਤਾ ਸਮਾਨ ਬਰਾਮਦ ਕਰ ਲਿਆ ਗਿਆ।
ਸਬੰਧਿਤ ਖ਼ਬਰਾਂ
