ਨਿੱਜੀ ਪੱਤਰ ਪ੍ਰੇਰਕ
ਖੰਨਾ, 13 ਸਤੰਬਰ
ਇਥੋਂ ਦੇ ਪੀਰਖਾਨਾ ਰੋਡ ’ਤੇ ਮੋਟਰਸਾਈਕਲ ਸਵਾਰ ਦੋ ਲੁਟੇਰਿਆਂ ਨੇ ਇਕ ਔਰਤ ਦੇ ਗਲੇ ’ਚੋਂ ਸੋਨੇ ਦੀ ਚੇਨ ਖੋਹਣ ਦੀ ਕੋਸ਼ਿਸ਼ ਕੀਤੀ। ਜਾਣਕਾਰੀ ਅਨੁਸਾਰ ਮੀਨੂੰ ਨਾਮਕ ਔਰਤ ਜਿਵੇਂ ਹੀ ਆਪਣੇ ਬੱਚੇ ਨੂੰ ਸਕੂਲੋਂ ਲੈ ਕੇ ਘਰ ਦੇ ਪੁੱਜੀ ਤਾਂ ਉਸਦਾ ਪਿੱਛਾ ਕਰ ਰਹੇ ਲੁਟੇਰਿਆਂ ਨੇ ਉਸਦੀ ਚੇਨ ਖੋਹਣ ਦੀ ਕੋਸ਼ਿਸ਼ ਕੀਤੀ। ਇਕ ਵਾਰ ਤਾਂ ਔਰਤ ਨੇ ਹਿੰਮਤ ਕਰ ਕੇ ਮੋਟਰਸਾਈਕਲ ਤੇ ਪਿੱਛੇ ਝਪਟਮਾਰ ਨਾਲ ਹੱਥੋਂਪਾਈ ਕਰ ਕੇ ਉਸ ਨੂੰ ਪਿਛੋਂ ਦੀ ਹੇਠਾਂ ਸੁੱਟ ਲਿਆ। ਰੌਲਾ ਸੁਣ ਕੇ ਮੁਹੱਲਾ ਵਾਸੀ ਘਰਾਂ ਤੋਂ ਬਾਹਰ ਨਿਕਲੇ ਪਰ ਇਸੇ ਦੌਰਾਨ ਝਪਟਮਾਰ ਫਰਾਰ ਹੋ ਗਿਆ। ਇਸ ਝੜਪ ’ਚ ਚੇਨ ਦਾ ਅੱਧਾ ਹਿੱਸਾ ਝਪਟਮਾਰ ਲੈ ਕੇ ਫਰਾਰ ਹੋ ਗਏ ਜਦੋਂ ਕਿ ਬਾਕੀ ਦਾ ਅੱਧਾ ਹਿੱਸਾ ਔਰਤ ਦੇ ਹੱਥ ਵਿੱਚ ਰਹਿ ਗਿਆ। ਮੁਹੱਲਾ ਵਾਸੀਆਂ ਵੱਲੋਂ ਲੁਟੇਰਿਆਂ ਦਾ ਪਿੱਛਾ ਵੀ ਕੀਤਾ ਗਿਆ, ਪ੍ਰਤੂੰ ਉਹ ਹੱਥ ਨਹੀਂ ਲੱਗੇ। ਪੁਲੀਸ ਨੇ ਇਸ ਮਾਮਲੇ ਕੇਸ ਦਰਜ ਕਰ ਲਿਆ ਹੈ।
