ਪੱਤਰ ਪ੍ਰੇਰਕ
ਪਾਇਲ, 16 ਜਨਵਰੀ
ਸੰਤ ਈਸ਼ਰ ਸਿੰਘ ਜੀ ਮੈਮੋਰੀਅਲ ਪਬਲਿਕ ਸਕੂਲ ਰਾੜਾ ਸਾਹਿਬ ਵਿੱਚ ਕੈਲਗਰੀ (ਕੈਨੇਡਾ) ਦੇ ਗੁਰਸਿੱਖ ਵਿਧਾਇਕ ਪਰਮੀਤ ਸਿੰਘ ਬੋਪਾਰਾਏ ਦਾ ਸਕੂਲ ਦੇ ਪ੍ਰਬੰਧਕਾਂ ਵੱਲੋਂ 23 ਵਰ੍ਹਿਆਂ ਬਾਅਦ ਸਕੂਲ ਪੁੱਜਣ ’ਤੇ ਨਿੱਘਾ ਸਵਾਗਤ ਕੀਤਾ ਗਿਆ। ਸਕੂਲ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਵਿਧਾਇਕ ਸ੍ਰੀ ਬੋਪਾਰਾਏ ਨੂੰ ਜੀ ਆਇਆਂ ਆਖਦਿਆਂ ਗੁਲਦਸਤੇ ਭੇਟ ਕੀਤੇ ਗਏ। ਇਸ ਮੌਕੇ ਵਿਧਾਇਕ ਬੋਪਾਰਾਏ ਨੇ ਸਕੂਲ ਵਿੱਚ ਲੰਮਾ ਸਮਾਂ ਬਿਤਾਇਆ ਅਤੇ ਆਪਣੇ ਸਕੂਲੀ ਦਿਨਾਂ ਦੀਆਂ ਯਾਦਾਂ ਤਾਜ਼ਾ ਕੀਤੀਆਂ। ਉਹ ਆਪਣੇ ਨਾਲ ਆਏ ਬੇਟੇ ਅਨਹਦ ਸਿੰਘ ਬੋਪਾਰਾਏ ਅਤੇ ਦੋਸਤਾਂ ਨਾਲ ਉਸ ਕਮਰੇ ਵਿੱਚ ਵੀ ਗਏ ਜਿੱਥੇ ਬੈਠ ਕੇ ਕਦੇ ਉਹ ਪੜ੍ਹੇ ਸਨ। ਸਕੂਲ ਵੱਲੋਂ ਕੀਤੇ ਗਏ ਪ੍ਰਬੰਧਾਂ ਦੀ ਤਾਰੀਫ ਕਰਦਿਆਂ ਵਿਧਾਇਕ ਬੋਪਾਰਾਏ ਨੇ ਪ੍ਰਬੰਧਕ ਕਮੇਟੀ ਦਾ ਧੰਨਵਾਦ ਕੀਤਾ ਤੇ ਆਪਣੇ ਪੁੱਤਰ ਨੂੰ ਰਾੜਾ ਸਾਹਿਬ ਸਕੂਲ ਵਿੱਚ ਪੜ੍ਹਾਉਣ ਦਾ ਵਾਅਦਾ ਕੀਤਾ। ਇਸ ਮੌਕੇ ਵਿਦਿਆਰਥੀਆਂ ਵੱਲੋਂ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ। ਵਿਧਾਇਕ ਬੋਪਾਰਾਏ ਵੱਲੋਂ ਸਕੂਲ ਅੰਦਰ ਪੌਦਾ ਵੀ ਲਾਇਆ ਗਿਆ। ਇਸ ਸਮੇਂ ਟਰੱਸਟੀ ਮਨਿੰਦਰਜੀਤ ਸਿੰਘ ਬਾਵਾ, ਪ੍ਰਿੰਸੀਪਲ ਧੀਰਜ ਕੁਮਾਰ, ਗੁਰਨਾਮ ਸਿੰਘ ਅੜੈਚਾਂ, ਕੈਪਟਨ ਰਣਜੀਤ ਸਿੰਘ, ਸਵਰਨ ਸਿੰਘ ਝੱਜ, ਡਾ. ਸੰਦੀਪ ਸਿੰਘ, ਭੁਪਿੰਦਰਪਾਲ ਸਿੰਘ, ਪਰਮਿੰਦਰ ਸਿੰਘ ਬੋਪਾਰਾਏ ਤੋਂ ਇਲਾਵਾ ਸਟਾਫ਼ ਹਾਜ਼ਰ ਸੀ।
