ਪੱਤਰ ਪ੍ਰੇਰਕ
ਮੰਡੀ ਅਹਿਮਦਗੜ੍ਹ, 1 ਨਵੰਬਰ
ਸਿੱਖਿਆ ਵਿਭਾਗ ਵੱਲੋਂ ਕਰਵਾਏ ਜਾ ਰਹੇ ਖੇਡ ਮੁਕਾਬਲਿਆਂ ਦੌਰਾਨ ਦੋ ਰੋਜ਼ਾ ਜ਼ੋਨਲ ਅਥਲੈਟਿਕ ਮੀਟ ਇੱਥੋਂ ਦੇ ਮਹਾਤਮਾ ਗਾਂਧੀ ਮੈਮੋਰੀਅਲ ਸੀਨੀਅਰ ਸੈਕੰਡਰੀ ਸਕੂਲ ਵਿਚ ਹੋਈ। ਖੇਡ ਮੁਕਾਬਲਿਆਂ ਦਾ ਉਦਘਾਟਨ ਪ੍ਰਿੰਸੀਪਲ ਵਿਨੇ ਗੋਇਲ ਨੇ ਕੀਤਾ। ਡੀਏਵੀ ਹਾਈ ਸਕੂਲ ਦੇ ਸਿਮਰਨਜੋਤ ਸਿੰਘ ਅਤੇ ਗਾਂਧੀ ਸਕੂਲ ਦੇ ਤਰੁਣ ਕੌਸ਼ਿਕ ਨੇ 1500 ਮੀਟਰ ਦੀ ਦੌੜ ਵਿੱਚ ਕ੍ਰਮਵਾਰ ਪਹਿਲੇ ਦੋ ਸਥਾਨ ਪ੍ਰਾਪਤ ਕੀਤੇ। ਗਰੀਨ ਵੈਲੀ ਸੀਨੀਅਰ ਸੈਕੰਡਰੀ ਸਕੂਲ ਦੇ ਅਰਸ਼ਵੀਰ ਸਿੰਘ, ਮਨਜੋਤ ਸਿੰਘ, ਤੀਕਸ਼ਨ ਅਤੇ ਅਰਸ਼ ਨੂਰ ਰਿਲੇਅ ਰੇਸ ’ਚ ਅੱਵਲ ਰਹੇ। ਲੰਮੀ ਛਾਲ ਅੰਡਰ-14 ਵਰਗ ਵਿੱਚ ਗਾਂਧੀ ਸਕੂਲ ਦਾ ਪ੍ਰਿਯਾਂਸ਼ੂ ਯਾਦਵ ਅਤੇ ਅੰਡਰ 17 ਵਿੱਚ ਗਾਂਧੀ ਸਕੂਲ ਦਾ ਅਲੀ ਰੋਜਾ ਜੇਤੂ ਰਹੇ। ਅੰਡਰ-19 ਵਰਗ ਵਿੱਚ ਡੀਏਵੀ ਹਾਈ ਸਕੂਲ ਦਾ ਸਿਮਰਨ ਜੋਤ ਜੇਤੂ ਰਿਹਾ।
ਗੋਲਾ ਸੁੱਟਣਾ ਅੰਡਰ 14 ’ਚ ਸਰਕਾਰੀ ਮਿਡਲ ਸਕੂਲ ਜੰਡਾਲੀ ਕਲਾਂ ਦਾ ਦਿਪਾਂਸ਼ੂ ਤੇ ਅੰਡਰ-17 ਵਰਗ ਵਿੱਚ ਗਾਂਧੀ ਸਕੂਲ ਦਾ ਲਕਸ਼ ਪਹਿਲੇ ਸਥਾਨ ’ਤੇ ਰਿਹਾ। ਅੰਡਰ 19 ਵਿੱਚ ਗਰੀਨ ਵੈਲੀ ਦਾ ਹਰਜੋਤ ਜੇਤੂ ਰਿਹਾ। ਉੱਚੀ ਛਾਲ ’ਚ ਗਾਂਧੀ ਸਕੂਲ ਦਾ ਦਕਸ਼ ਅੰਡਰ-17 ਵਰਗ ਵਿੱਚ ਅਤੇ ਅੰਡਰ-19 ਵਰਗ ਵਿੱਚ ਡੀਏਵੀ ਹਾਈ ਸਕੂਲ ਦਾ ਜਪ ਕੁਮਾਰ ਅੱਵਲ ਰਿਹਾ।
