ਚੋਹਲਾ ਸਾਹਿਬ (ਤੇਜਿੰਦਰ ਸਿੰਘ ਖ਼ਾਲਸਾ): ਹਰੀਕੇ ਪੱਤਣ ਤੋਂ ਪਿੰਡ ਢੋਟੀਆਂ ਜਾ ਰਹੇ ਪੰਜਾਹ ਸਾਲਾ ਗੁਰਮੁੱਖ ਸਿੰਘ ਦੀ ਰਾਜ ਮਾਰਗ ਚਰਵੰਜਾ ਉਪਰ ਹਾਦਸੇ ਦੌਰਾਨ ਮੌਤ ਹੋ ਗਈ। ਗੁਰਮੁਖ ਸਿੰਘ ਸਕੂਟਰੀ ਉੱਪਰ ਸਵਾਰ ਸੀ ਪਿੰਡ ਠੱਠੀਆਂ ਮਹੰਤਾਂ ਦੇ ਨੇੜੇ ਟਰੱਕ ਨੇ ਆਪਣੀ ਲਪੇਟ ਵਿੱਚ ਲੈ ਲਿਆ। ਹਲਕਾ ਪੱਟੀ ਦੇ ਪਿੰਡ ਢੋਟੀਆਂ ਵਾਸੀ ਅਵਤਾਰ ਸਿੰਘ ਦਾ ਪੁੱਤਰ ਗੁਰਮੁਖ ਸਿੰਘ ਸਕੂਟਰੀ ਨੰਬਰ ਪੀਬੀ63-05-ਬੀ-8996 ’ਤੇ ਸਵਾਰ ਹੋ ਕੇ ਹਰੀਕੇ ਪੱਤਣ ਤੋਂ ਵਾਪਸ ਆਪਣੇ ਪਿੰਡ ਆ ਰਿਹਾ ਸੀ। ਜੰਮੂ ਕਸ਼ਮੀਰ- ਰਾਜਸਥਾਨ ਰਾਜ ਮਾਰਗ ’ਤੇ ਪਿੰਡ ਠੱਠੀਆਂ ਮਹੰਤਾ ਨੇੜੇ ਟਰੱਕ ਨੰਬਰ ਪੀਬੀ-05 ਐੱਸ-9777 ਨੇ ਸਕੂਟਰੀ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ। ਹਾਦਸੇ ਵਿੱਚ ਗੁਰਮੁੱਖ ਸਿੰਘ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਥਾਣਾ ਸਰਹਾਲੀ ਦੇ ਮੁਖੀ ਨਵਦੀਪ ਸਿੰਘ ਨੇ ਦੱਸਿਆ ਕਿ ਲਾਸ਼ ਨੂੰ ਕਬਜ਼ੇ ਵਿਚ ਲੈ ਕੇ ਪੋਸਟ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਫ਼ਰਾਰ ਹੋਏ ਟਰੱਕ ਡਰਾਈਵਰ ਦੀ ਭਾਲ ਅਜੇ ਜਾਰੀ ਹੈ।
ਸਬੰਧਿਤ ਖ਼ਬਰਾਂ
