ਪੱਟੀ (ਪੱਤਰ ਪ੍ਰੇਰਕ): ਪੱਟੀ ਨੇੜਲੇ ਸੇਕਰਡ ਹਾਰਟ ਕਾਨਵੈਂਟ ਸਕੂਲ ਦੀ ਨਰਸਰੀ ਕਲਾਸ ਦੀ ਵਿਦਿਆਰਥਣ ਸ਼ੁੱਭਲੀਨ ਕੌਰ (5) ਪੁੱਤਰੀ ਰਾਜਵਿੰਦਰ ਸਿੰਘ ਵਾਸੀ ਵਾਰਡ ਨੰਬਰ 16 ਪੱਟੀ ਦੀ ਸਕੂਲ ਵੈਨ ਹੇਠ ਆਉਣ ਕਾਰਨ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਸ਼ੁੱਭਲੀਨ ਕੌਰ ਤੇ ਉਸ ਦੀ ਵੱਡੀ ਭੈਣ ਸੁਖਦੀਪ ਕੌਰ (7) ਸੇਕਰਡ ਹਾਰਟ ਕਾਨਵੈਂਟ ਸਕੂਲ ਠੱਕਰਪੁਰਾ ’ਚ ਹਰ ਰੋਜ਼ ਸਕੂਲ ਵੈਨ ’ਤੇ ਪੜ੍ਹਨ ਜਾਂਦੀਆਂ ਸਨ। ਜਦੋਂ ਅੱਜ ਦੁਪਹਿਰੇ ਸਕੂਲ ਵੈਨ ਸ਼ੁੱਭਲੀਨ ਕੌਰ ਤੇ ਸੁਖਦੀਪ ਕੌਰ ਨੂੰ ਉਨ੍ਹਾਂ ਦੇ ਘਰ ਛੱਡਣ ਆਈ ਤਾਂ ਗੱਡੀ ਵਿੱਚੋਂ ਉਤਰਨ ਸਮੇਂ ਸ਼ੁੱਭਲੀਨ ਕੌਰ ਸਕੂਲ ਵੈਨ ਦੇ ਟਾਇਰ ਹੇਠ ਆਉਣ ਕਰਕੇ ਗੰਭੀਰ ਜ਼ਖ਼ਮੀ ਹੋ ਗਈ। ਉਸ ਨੂੰ ਇਲਾਜ ਲਈ ਪੱਟੀ ਸ਼ਹਿਰ ਦੇ ਸੰਧੂ ਹਸਪਤਾਲ ਲਿਜਾਇਆ ਗਿਆ ਪਰ ਹਾਲਤ ਨਾਜ਼ੁਕ ਹੋਣ ਕਾਰਨ ਉਸ ਨੂੰ ਅੰਮ੍ਰਿਤਸਰ ਦੇ ਨਿੱਜੀ ਹਸਪਤਾਲ ਅੰਦਰ ਭੇਜ ਦਿੱਤਾ ਗਿਆ ਜਿੱਥੇ ਉਸ ਦੀ ਮੌਤ ਹੋ ਗਈ।
ਸਬੰਧਿਤ ਖ਼ਬਰਾਂ
