ਜੰਡਿਆਲਾ ਗੁਰੂ (ਪੱਤਰ ਪ੍ਰੇਰਕ): ਇਥੋਂ ਨੇੜੇ ਜੀਟੀ ਰੋਡ ਮਾਨਾਂਵਾਲਾ ਦੀ ਰੋਹੀ ਦੇ ਪੁਲ ਉੱਪਰ ਇਕ ਟਰੱਕ ਪੀਬੀ 06 ਐਚ 8985 ਹਾਦਸਾਗ੍ਰਸਤ ਹੋ ਗਿਆ। ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਅੱਜ ਸਵੇਰੇ ਦੱਸ ਵਜੇ ਜੀਟੀ ਰੋਡ ਮਾਨਾਂਵਾਲਾ ਰੋਹੀ ਦੇ ਪੁਲ ਉਪਰ ਇਕ ਟਰੱਕ ਜੋ ਮੱਕੀ ਲੈ ਕੇ ਅੰਮ੍ਰਿਤਸਰ ਵੱਲੋਂ ਜਲੰਧਰ ਨੂੰ ਜਾ ਰਿਹਾ ਸੀ, ਅਚਾਨਕ ਬੇਕਾਬੂ ਹੋ ਕੇ ਰੂਹੀ ਦੀ ਸਾਈਡ ਰੇਲਿੰਗ ਨਾਲ ਜਾ ਟਕਰਾਇਆ। ਇਸ ਹਾਦਸੇ ਵਿਚ ਟਰੱਕ ਚਾਲਕ ਵਾਲ ਵਾਲ ਬਚ ਗਿਆ। ਜਦ ਕਿ ਟਰੱਕ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ ਅਤੇ ਇਕ ਸਾਈਡ ਨੂੰ ਪਲਟ ਗਿਆ। ਇਸ ਬਾਰੇ ਟਰੱਕ ਚਾਲਕ ਦਾ ਕਹਿਣਾ ਹੈ ਕਿ ਉਹ ਔਸਤਨ ਸਪੀਡ ’ਤੇ ਅੰਮ੍ਰਿਤਸਰ ਵੱਲੋਂ ਆ ਰਿਹਾ ਸੀ ਕਿ ਅਚਾਨਕ ਉਸ ਦੇ ਟਰੱਕ ਦੇ ਅੱਗੇ ਇੱਕ ਵਾਹਨ ਆ ਗਿਆ, ਜਿਸ ਨੂੰ ਬਚਾਉਂਦਿਆਂ ਇਹ ਹਾਦਸਾ ਵਾਪਰ ਗਿਆ।
ਸਬੰਧਿਤ ਖ਼ਬਰਾਂ
