ਸੇਂਟ ਕਬੀਰ ਸਕੂਲ ’ਚ ਵਿਦਾਇਗੀ ਸਮਾਗਮ

ਧਾਰੀਵਾਲ:  ਸੇਂਟ ਕਬੀਰ ਪਬਲਿਕ ਸਕੂਲ ਸੁਲਤਾਨਪੁਰ ਵਿੱਚ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਦਾ ਵਿਦਾਇਗੀ ਸਮਾਗਮ ਪ੍ਰਿੰਸੀਪਲ ਐਸ.ਬੀ.ਨਾਯਰ ਅਤੇ ਪ੍ਰਬੰਧਕ ਨਵਦੀਪ ਕੌਰ ਤੇ ਕੁਲਦੀਪ ਕੌਰ ਦੀ ਅਗਵਾਈ ਹੇਠ ਹੋਇਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਸ਼ਮ੍ਹਾ ਰੌਸ਼ਨ ਕਰਨ ਨਾਲ ਹੋਈ। ਉਪਰੰਤ ਗਿਆਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ ਸ਼ਬਦ ਗਾਇਨ ਕੀਤਾ। ਐਸ਼ਵੀਰ ਸਿੰਘ ਨੇ ਜੀ ਆਇਆਂ ਆਖਿਆ। ਦਮਨਪ੍ਰੀਤ ਕੌਰ ਅਤੇ ਮਨਜੋਤ ਸੈਣੀ ਨੇ ਮੰਚ ਸੰਚਾਲਨ ਕੀਤਾ। ਇਸ ਮੌਕੇ ਮਾਸਟਰ ਸੇਂਟ ਕਬੀਰ ਕੰਵਰਪ੍ਰਤਾਪ ਸਿੰਘ, ਮਿਸ ਸੇਂਟ ਕਬੀਰ ਨੰਦਨੀ, ਮਿਸ ਐਲੀਗੈਂਟ ਗੁਨਤਾਜਪ੍ਰੀਤ ਕੌਰ, ਮਿਸ ਸਿੰਪਲੀਸਿਟੀ ਕੋਮਲਪ੍ਰੀਤ ਕੌਰ, ਮਿਸ ਅਟਾਇਰ ਵਰਿੰਦਰ ਕੌਰ, ਮਿਸਟਰ ਇਨਕ੍ਰੈਡੇਬਲ ਮਹੀਪਾਲ ਸਿੰਘ, ਮਿਸ ਚਾਰਮਿੰਗ ਸੁਖਜੀਤ ਕੌਰ, ਮਿਸ ਆਰਟਿਸਟ ਰਵਨੀਤ ਕੌਰ, ਮਿਸ ਵਿਸਡਮ ਮਹਿਕਪ੍ਰੀਤ ਕੌਰ, ਸਪੈਸ਼ਲ ਜਿਊਰੀ ਐਵਾਰਡ ਸੁਖਜਿੰਦਰ ਸਿੰਘ ਨੂੰ ਦਿੱਤਾ ਗਿਆ। ਸਾਰਾ ਸਾਲ ਇੱਕ ਦਿਨ ਵੀ ਗੈਰਹਾਜ਼ਰ ਨਾ ਹੋਣ ਕਰਕੇ ਮਿਸ ਦਮਨਜੀਤ ਕੌਰ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। -ਪੱਤਰ ਪ੍ਰੇਰਕ