ਪੱਤਰ ਪ੍ਰੇਰਕ
ਪਠਾਨਕੋਟ, 14 ਸਤੰਬਰ
ਖੇਡਾਂ ਵਤਨ ਪੰਜਾਬ ਦੀਆਂ ਤਹਿਤ ਇੱਥੋਂ ਦੇ ਸਵਿਮਿੰਗ ਪੂਲ ਵਿੱਚ ਤੈਰਾਕੀ ਮੁਕਾਬਲੇ ਕਰਵਾਏ ਗਏ। ਜਿਸ ਵਿੱਚ ਵੱਖ-ਵੱਖ ਵਰਗਾਂ ਦੇ ਲੜਕੇ, ਲੜਕੀਆਂ ਨੇ ਭਾਗ ਲਿਆ।
ਤੈਰਾਕੀ ਕੋਚ ਚੰਦਨ ਮਹਾਜਨ ਅਨੁਸਾਰ, ਤੈਰਾਕੀ ਦੇ ਇੰਨ੍ਹਾਂ ਮੁਕਾਬਲਿਆਂ ਵਿੱਚ ਲੜਕੀਆਂ ਦੇ ਅੰਡਰ-21 ਦੇ ਫ੍ਰੀ ਸਟਾਈਲ 100 ਮੀਟਰ ਮੁਕਾਬਲੇ ਵਿੱਚ ਕਿਰਨ, 400 ਮੀਟਰ ਫ੍ਰੀ ਸਟਾਈਲ (ਅੰਡਰ-17) ਵਿੱਚ ਸਿਵਾਨੀ ਪਹਿਲੇ ਸਥਾਨ ’ਤੇ ਰਹੀਆਂ। ਉਨ੍ਹਾਂ ਦੱਸਿਆ ਕਿ ਅੰਡਰ-17 ਉਮਰ ਵਰਗ ਵਿੱਚ ਲੜਕੀਆਂ ਦੇ 200 ਮੀਟਰ ਬੈਕ ਸਟਰੋਕ ਮੁਕਾਬਲਿਆਂ ਵਿੱਚ ਵੰਸ਼ਿਕਾ ਨੇ ਪਹਿਲਾ ਅਤੇ ਹਿਤਾਕਸ਼ੀ ਨੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ ਅੰਡਰ-14 ਵਰਗ ਵਿੱਚ 100 ਮੀਟਰ ਬ੍ਰਸਟ ਸਟਰੋਕ ਵਿੱਚ ਵਿਨਾਇਕਾ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਅਤੇ ਇਸੇ ਉਮਰ ਵਰਗ ਵਿੱਚ ਰੀਤ ਨੇ ਪਹਿਲਾ ਸਥਾਨ ਤੇ ਨਵਿਆ ਨੇ ਦੂਸਰਾ ਅਤੇ ਭਾਗਿਆ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਉਨ੍ਹਾਂ ਦੱਸਿਆ ਕਿ ਅੰਡਰ-14 ਉਮਰ ਵਰਗ ਦੇ 50 ਮੀਟਰ ਬਟਰਫਲਾਈ ਤੈਰਾਕੀ ਮੁਕਾਬਲਿਆਂ (ਲੜਕੀਆਂ) ਵਿੱਚ ਅਨਨਿਆ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਇਸੇ ਤਰ੍ਹਾਂ ਅੰਡਰ-17 (ਲੜਕੇ) ਵਿੱਚ ਅਭਿਰਾਲ , ਅੰਡਰ-21 ਦੇ 50 ਮੀਟਰ (ਲੜਕੇ) ਵਿੱਚ ਸੱਤਿਅਮ ਪਹਿਲੇ ਸਥਾਨ ’ਤੇ ਰਹੇ। ਅੰਡਰ-21 ਤੋਂ 40 (ਲੜਕੇ) 50 ਮੀਟਰ ਬਟਰਫਲਾਈ ਵਿੱਚ ਦੀਪੂ ਨੇ ਪਹਿਲਾ ਸਥਾਨ ਅਤੇ ਗੁਲਸ਼ਨ ਨੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ।
ਉਨ੍ਹਾਂ ਦੱਸਿਆ ਕਿ ਅੱਜ ਦੇ ਇੰਨ੍ਹਾਂ ਮੁਕਾਬਲਿਆਂ ਵਿੱਚ ਖਿਡਾਰੀਆਂ ਅੰਦਰ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲਿਆ।
