ਜੰਡਿਆਲਾ ਗੁਰੂ: ਸਥਾਨਕ ਲੋਕਲ ਬੱਸ ਸਟੈਂਡ ਦੇ ਸਾਹਮਣੇ ਸਥਿਤ ਸਪੇਅਰ ਪਾਰਟ ਦੀ ਦੁਕਾਨ ਉਪਰੋਂ ਨੌਸਰਬਾਜ਼ ਬਾਪ ਬੇਟੇ ਵੱਲੋਂ ਦੁਕਾਨਦਾਰ ਦਾ ਕੀਮਤੀ ਆਈ ਫੋਨ ਚੋਰੀ ਕਰ ਲਿਆ ਗਿਆ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਦੁਕਾਨਦਾਰ ਵਿਕਰਮਜੀਤ ਸਿੰਘ ਨੇ ਦੱਸਿਆ ਉਹ ਸਵੇਰੇ ਕਰੀਬ 9 ਵਜੇ ਆਪਣੀ ਦੁਕਾਨ ਖੋਲ੍ਹ ਕੇ ਬੈਠਾ ਹੀ ਸੀ ਤਾਂ ਇੱਕ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਬਾਪ ਬੇਟਾ ਉਸਦੀ ਦੁਕਾਨ ਉੱਪਰ ਆਏ। ਉਨ੍ਹਾਂ ਦੋਹਾਂ ਵਿੱਚੋਂ ਬਾਪ ਮੋਟਰਸਾਈਕਲ ਉੱਪਰ ਹੀ ਬੈਠਾ ਰਿਹਾ ਅਤੇ ਬੱਚਾ ਜਿਸ ਦੀ ਉਮਰ ਗ਼ਰੀਬ 12-13 ਸਾਲ ਸੀ ਦੁਕਾਨ ਦੇ ਅੰਦਰ ਆਇਆ ਅਤੇ ਸਾਮਾਨ ਦੀ ਮੰਗ ਕੀਤੀ। ਉਸ ਨੇ ਦੱਸਿਆ ਜਦੋਂ ਉਹ ਸਮਾਨ ਲੈਣ ਲਈ ਦੁਕਾਨ ਦੇ ਅੰਦਰ ਗਿਆ ਤਾਂ ਬੱਚੇ ਨੇ ਬਹੁਤ ਫੁਰਤੀ ਨਾਲ ਉਸ ਦੀ ਦੁਕਾਨ ਵਿੱਚ ਪਿਆ ਉਸਦਾ ਕੀਮਤੀ ਆਈ ਫੋਨ ਗਾਇਬ ਕਰ ਦਿੱਤਾ ਅਤੇ ਉੱਥੋਂ ਫਰਾਰ ਹੋ ਗਏ। ਪੀੜਤ ਦੁਕਾਨਦਾਰ ਨੇ ਇਸ ਦੀ ਲਿਖਤੀ ਸ਼ਿਕਾਇਤ ਥਾਣਾ ਜੰਡਿਆਲਾ ਗੁਰੂ ਵਿੱਚ ਦੇਰ ਦਿੱਤੀ ਹੈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
