ਦਲਬੀਰ ਸੱਖੋਵਾਲੀਆ
ਬਟਾਲਾ, 23 ਨਵੰਬਰ
ਐਸਸੀ/ਬੀਸੀ ਅਧਿਆਪਕ ਯੂਨੀਅਨ ਪੰਜਾਬ ਦੇ ਨਵਨਿਯੁਕਤ ਸੀਨੀਅਰ ਮੀਤ ਪ੍ਰਧਾਨ ਸਵਿੰਦਰ ਸਿੰਘ ਜੈਤੋਸਰਜਾ ਨੇ ਇੱਥੇ ਦੱਸਿਆ ਕਿ ਯੂਨੀਅਨ ਦੀ ਨਵੀਂ ਬਾਡੀ ਦਾ ਗਠਨ ਕਰਦਿਆਂ ਜਥੇਬੰਦੀ ਦੇ ਪੰਜਾਬ ਪ੍ਰਧਾਨ ਬਲਕਾਰ ਸਿੰਘ ਸਫਰੀ ਨੂੰ ਚੁਣਿਆ ਗਿਆ ਹੈ। ਜਥੇਬੰਦੀ ਦੇ ਸੰਸਥਾਪਕ ਮਲਾਗਰ ਸਿੰਘ ਦੀ ਅਗਵਾਈ ਵਿੱਚ ਡੈਲੀਗੇਟ ਇਜਲਾਸ ਦੇਸ਼ ਭਗਤ ਹਾਲ ਜਲੰਧਰ ’ਚ ਹੋਇਆ। ਇਸ ਮੌਕੇ ਯੂਨੀਅਨ ਦੇ ਜਨਰਲ ਸਕੱਤਰ ਰਾਮ ਕ੍ਰਿਸ਼ਨ ਪੱਲੀ ਝਿੱਕੀ, ਸਰਪ੍ਰਸਤ ਕਰਨਰਾਜ ਸਿੰਘ ਗਿੱਲ, ਚੇਅਰਮੈਨ ਮਲਾਗਰ ਸਿੰਘ, ਚੀਫ ਆਰਗੇਨਾਈਜ਼ਰ ਬਚਿੱਤਰ ਸਿੰਘ ਅਤੇ ਲੀਗਲ ਸਲਾਹਕਾਰ ਜੋਗਿੰਦਰ ਸਿੰਘ ਨੂੰ ਚੁਣਿਆ ਗਿਆ। ਸੀਨੀਅਰ ਮੀਤ ਪ੍ਰਧਾਨ ਹਰਬੰਸ ਲਾਲ ਜਲੰਧਰ, ਸੀਤਲ ਸਿੰਘ ਕਪੂਰਥਲਾ, ਸੁਰਜੀਤ ਸੈਂਪਲੇ ਨਵਾਂ ਸ਼ਹਿਰ ਨੂੰ ਬਣਾਇਆ ਗਿਆ। ਮੀਤ ਪ੍ਰਧਾਨ ਗੁਰਜੰਟ ਸਿੰਘ ਬੋਹਾ ਮਾਨਸਾ, ਸੇਵਕ ਸਿੰਘ ਮੋਗਾ, ਸਵਿੰਦਰ ਸਿੰਘ ਗੁਰਦਾਸਪੁਰ, ਸੁਰਿੰਦਰ ਸਿੰਘ ਮੁਹਾਲੀ, ਦਰਸ਼ਨ ਲਾਲ ਅੰਮ੍ਰਿਤਸਰ ਨੂੰ ਬਣਾਇਆ ਗਿਆ। ਜਨਰਲ ਸਕੱਤਰ ਲਈ ਵਿਪਨ ਕੁਮਾਰ ਮੁਹਾਲੀ, ਹਰਬਿਲਾਸ ਬੰਗਾ, ਸੁਖਦੇਵ ਸਿੰਘ ਤਰਨ ਤਾਰਨ, ਸੱਤਪਾਲ ਨਵਾਂ ਸ਼ਹਿਰ ਨੂੰ ਬਣਾਇਆ ਗਿਆ। ਇਸੇ ਤਰ੍ਹਾਂ ਵਿੱਤ ਸਕੱਤਰ ਬਲਵਿੰਦਰ ਸਿੰਘ ਲੁਧਿਆਣਾ ਅਤੇ ਮਲਕੀਅਤ ਸਿੰਘ ਪਟਿਆਲਾ ਨੂੰ ਲਿਆ ਗਿਆ। ਸਕੱਤਰ ਲਈ ਹਰਜੀਤ ਸਿੰਘ ਫ਼ਿਰੋਜ਼ਪੁਰ, ਨਛੱਤਰ ਸਿੰਘ ਮਾਨਸਾ, ਸਤਨਾਮ ਸਿੰਘ ਚਾਂਦੀ ਫਾਜ਼ਿਲਕਾ, ਸੁਨੀਲ ਕੁਮਾਰ ਜਲੰਧਰ ਨੂੰ ਬਣਾਇਆ। ਪ੍ਰੈੱਸ ਸਕੱਤਰ ਸੁਖਵਿੰਦਰ ਸਿੰਘ ਜਲੰਧਰ, ਬਲਬੀਰ ਸਿੰਘ ਕਮਾਂਡੋ ਬਠਿੰਡਾ, ਤਜਿੰਦਰ ਸਿੰਘ ਸੋਹੀ ਅੰਮ੍ਰਿਤਸਰ, ਤਕਨੀਕੀ ਸਲਾਹਕਾਰ ਸਵਰਨਜੀਤ ਸਿੰਘ ਬਠਿੰਡਾ ਨੂੰ ਚੁਣਿਆ ਗਿਆ।
