ਪੱਤਰ ਪ੍ਰੇਰਕ
ਚੇਤਨਪੁਰਾ, 8 ਅਕਤੂਬਰ
ਪਿੰਡ ਕੋਟ ਕੇਸਰਾ ਜੌਹਲ ਵਿੱਚ ਜੋਗੀ ਪੀਰ ਦੀ ਯਾਦ ’ਚ ਐੱਨਆਰਆਈ ਵੀਰਾਂ ਦੇ ਸਹਿਯੋਗ ਨਾਲ ਸਮੂਹ ਨਗਰ ਦੀਆਂ ਸੰਗਤਾਂ ਵੱਲੋਂ ਸਾਲਾਨਾ ਜੋੜ ਮੇਲਾ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ। ਪ੍ਰਬੰਧਕਾਂ ਵੱਲੋਂ ਪੀਰ ਬਾਬਾ ਜੋਗੀ ਪੀਰ ਦੀ ਮਜ਼ਾਰ ’ਤੇ ਚਾਦਰ ਚੜ੍ਹਾਉਣ ਦੀ ਰਸਮ ਉਪਰੰਤ ਲਾਏ ਗਏ ਖੁੱਲ੍ਹੇ ਅਖਾੜੇ ਦੌਰਾਨ ਪੰਜਾਬੀ ਲੋਕ ਗਾਇਕ ਜੋੜੀ ਹਰਿੰਦਰ ਸੰਧੂ ਤੇ ਬੀਬਾ ਅਮਨ ਧਾਲੀਵਾਲ ਅਤੇ ਗੁਰਵਿੰਦਰ ਗਿੱਲ ਵੱਲੋਂ ਆਪਣੇ ਗੀਤਾਂ ਦੁਆਰਾ ਸਰੋਤਿਆਂ ਨੂੰ ਘੰਟਿਆਂ ਬੱਧੀ ਮੰਤਰ ਮੁਗਧ ਕਰੀ ਰੱਖਿਆ। ਇਸ ਮੇਲੇ ’ਚ ਜਗਰੂਪ ਸਿੰਘ ਜੌਹਲ, ਰੇਸ਼ਮ ਸਿੰਘ ਜੌਹਲ, ਸੰਦੀਪ ਸਿੰਘ ਜੌਹਲ, ਸਤਪਾਲ ਸਿੰਘ ਜੌਹਲ, ਪਿੰਦਾ ਜੌਹਲ, ਭਾਗਾ ਇਟਲੀ, ਸੁਰਜੀਤ ਸਿੰਘ ਫੌਜੀ, ਮੁਖਤਾਰ ਸਿੰਘ ਫੌਜੀ, ਟਿੰਕੂ ਦੁਬਈ, ਵਿਨੈ ਕੈਨੇਡਾ, ਬਲਰਾਜ ਕੈਨੇਡਾ, ਸੋਨੂੰ ਗਰੀਸ, ਸਮਰ ਯੂਕੇ, ਬੰਟੀ ਜੌਹਲ, ਨਿਰਪ੍ਰੀਤ ਕੌਰ ਕੈਨੇਡਾ, ਕਿਰਨ ਕੌਰ ਕੈਨੇਡਾ, ਅਮਨ ਦੁਬਈ ਅਤੇ ਅਰਸ਼ੂ ਯੂਕੇ ਵਾਲਿਆਂ ਦਾ ਵਿਸ਼ੇਸ਼ ਤੌਰ ’ਤੇ ਯੋਗਦਾਨ ਰਿਹਾ। ਇਸ ਮੌਕੇ ਪ੍ਰਬੰਧਕਾਂ ਵੱਲੋਂ ਆਏ ਹੋਏ ਕਲਾਕਾਰਾਂ ਤੇ ਪ੍ਰਮੁੱਖ ਸ਼ਖ਼ਸੀਅਤਾਂ ਦਾ ਵਿਸ਼ੇਸ਼ ਤੌਰ ’ਤੇ ਸਨਮਾਨ ਵੀ ਕੀਤਾ ਗਿਆ।
