ਜਗਤਾਰ ਸਿੰਘ ਛਿੱਤ
ਜੈਂਤੀਪੁਰ, 2 ਅਗਸਤ
ਥਾਣਾ ਕੱਥੂਨੰਗਲ ਅਧੀਨ ਆਉਂਦੀ ਪੁਲੀਸ ਚੌਕੀ ਚਵਿੰਡਾ ਦੇਵੀ ਵੱਲੋਂ ਬੀਤੀ ਰਾਤ ਨਸ਼ਾ ਤਸਕਰ ਅਕਾਸ਼ਦੀਪ ਨੂੰ 9 ਗ੍ਰਾਮ ਹੈਰੋਇਨ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਜਦੋਂ ਇਸ ਦਾ ਪਤਾ ਮੁਲਜ਼ਮ ਦੇ ਸਾਥੀਆਂ ਨੂੰ ਲੱਗਿਆ ਤਾਂ ਉਨ੍ਹਾਂ ਪੁਲੀਸ ਚੌਕੀ ’ਤੇ ਹਮਲਾ ਕਰ ਦਿੱਤਾ। ਉਹ ਉਸ ਨੂੰ ਹੱਥਕੜੀਆਂ ਸਮੇਤ ਛੁਡਾ ਲੈ ਗਏ।
ਪੁਲੀਸ ਨੇ ਤੁਰੰਤ ਹਰਕਤ ਵਿੱਚ ਆਉਂਦਿਆਂ ਦੇਰ ਰਾਤ ਤੱਕ ਸਰਚ ਅਪਰੇਸ਼ਨ ਚਲਾ ਕੇ ਕੁੱਲ 14 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ। ਡੀਐੱਸਪੀ (ਮਜੀਠਾ) ਐੱਮਐੱਸ ਔਲਖ ਨੇ ਦੱਸਿਆ ਕਿ 15 ਤੋਂ 20 ਹੋਰ ਅਣਪਛਾਤੇ ਵਿਅਕਤੀਆਂ ਦੀ ਤਲਾਸ਼ ਜਾਰੀ ਹੈ। ਉਨ੍ਹਾਂ ਸਣੇ ਅਕਾਸ਼ਦੀਪ ਨੂੰ ਛੇਤੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
