ਸੁੱਚਾ ਸਿੰਘ ਪਸਨਾਵਾਲ
ਧਾਰੀਵਾਲ, 8 ਜਨਵਰੀ
ਮਾਰਕੀਟ ਕੇਮਟੀ ਧਾਰੀਵਾਲ ਦੇ ਨਵ-ਨਿਯੁਕਤ ਚੇਅਰਮੈਨ ਰਾਧਾ ਕ੍ਰਿਸ਼ਨ ਪੁਰੀ ਦਾ ਅੱਜ ਤਾਜ਼ਪੋਸ਼ੀ ਸਮਾਰੋਹ ਹੋਇਆ। ਸਮਾਰੋਹ ’ਚ ਪੰਜਾਬ ਪ੍ਰਦੇਸ ਕਾਂਗਰਸ ਕਮੇਟੀ ਦੇ ਸਾਬਕਾ ਪ੍ਰਧਾਨ ਤੇ ਮੌਜੂਦਾ ਰਾਜ ਸਭਾ ਮੈਂਬਰ ਪ੍ਰਤਾਪ ਸਿੰਘ ਬਾਜਵਾ ਮੁੱਖ ਮਹਿਮਾਨ ਅਤੇ ਸਾਬਕਾ ਵਿਧਾਇਕਾ ਚਰਨਜੀਤ ਕੌਰ ਬਾਜਵਾ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਪ੍ਰਤਾਪ ਸਿੰਘ ਬਾਜਵਾ ਨੇ ਮਾਰਕੀਟ ਕਮੇਟੀ ਦਫਤਰ ਵਿੱਚ ਚੇਅਰਮੈਨ ਰਾਧਾ ਕ੍ਰਿਸ਼ਨ ਪੁਰੀ ਦਾ ਮਿੱਠਾ ਮੂੰਹ ਕਰਵਾ ਕੇ ਕੁਰਸੀ ’ਤੇ ਬਿਠਾਇਆ। ਸਮਾਰੋਹ ’ਚ ਪ੍ਰਤਾਪ ਬਾਜਵਾ ਨੇ ਸੰਬੋਧਨ ਕਰਦਿਆਂ ਕਿਹਾ ਕਾਂਗਰਸ ਨੇ ਹਮੇਸ਼ਾਂ ਹੀ ਭਾਈ-ਭਤੀਜਾਵਾਦ ਤੋਂ ਉਪਰ ਉੱਠ ਕੇ ਵਫ਼ਾਦਾਰ ਅਤੇ ਇਮਾਨਦਾਰ ਵਰਕਰਾਂ ਨੂੰ ਯੋਗ ਨੁਮਾਇੰਗੀਆਂ ਨਾਲ ਨਿਵਾਜਿਆ ਹੈ। ਬਾਜਵਾ ਨੇ ਉਮੀਦ ਜਿਤਾਈ ਕਿ ਸ਼ਹਿਰ ਦੇ ਇਮਾਨਦਾਰ ਸਾਬਕਾ ਕੌਂਸਲਰ ਸ੍ਰੀ ਪੁਰੀ ਮਿਲੀ ਚੇਅਰਮੈਨ ਦੀ ਜਿੰਮੇਦਾਰੀ ਨੂੰ ਪੂਰੀ ਸੰਜੀਦਗੀ ਤੇ ਇਮਾਨਦਾਰੀ ਨਾਲ ਨਿਭਾਉਣਗੇ ਅਤੇ ਮੰਡੀਆਂ ਵਿੱਚ ਕਿਸਾਨਾਂ ਨੂੰ ਆਉਣ ਵਾਲੀਆਂ ਸਮੱਸਿਆਵਾਂ ਹੱਲ ਕਰਵਾਉਣ ਨੂੰ ਤਰਜੀਹ ਦੇਣਗੇ। ਮਾਕੀਟ ਕਮੇਟੀ ਦੇ ਨਵੇਂ ਚੇਅਰਮੈਨ ਰਾਧਾ ਕ੍ਰਿਸ਼ਨ ਪੁਰੀ ਨੇ ਪ੍ਰਤਾਪ ਸਿੰਘ ਬਾਜਵਾ ਅਤੇ ਸਾਬਕਾ ਵਿਧਾਇਕਾ ਬੀਬੀ ਬਾਜਵਾ ਦਾ ਧੰਨਵਾਦ ਕੀਤਾ। ਸਮਾਰੋਹ ’ਚ ਪੀਪੀਸੀਸੀ ਦੇ ਸੂਬਾ ਸਕੱਤਰ ਬਰਿੰਦਰ ਸਿੰਘ ਛੋਟੇਪੁਰ, ਇੰਡਸਟਰੀ ਡਿਵੈਲਪਮੈਂਟ ਕਾਰਪੋਰੇਸ਼ਨ ਪੰਜਾਬ ਦੇ ਉਪ ਚੇਅਰਮੈਨ ਵਜੀਰ ਸਿੰਘ, ਪਲਵਿੰਦਰ ਸਿੰਘਪੁਰਾ, ਮਾਰਕੀਟ ਕਮੇਟੀ ਦੇ ਸਾਬਕਾ ਚੇਅਰਮੈਨ ਜੈਮਸ ਮਸੀਹ, ਕੌਂਸਲਰ ਰਜਿੰਦਰ ਲਵਲੀ, ਯੂਥ ਆਗੂ ਹੀਰਾ ਲਹੌਰੀਆ, ਕੌਂਸਲਰ ਪਵਨ ਅਬੋਰਲ, ਕੌਂਸਲਰ ਦੀਪਕ ਕੁਮਾਰ, ਨੌਨੀ ਖੋਸਲਾ, ਨਰਾਇਣ ਮਲਹੋਤਰਾ, ਸਰਪੰਚ ਬਲਵਿੰਦਰਪਾ ਟਾਕ, ਮਨਜਿੰਦਰ ਸਿੰਘ ਸੰਘਰ, ਸਰਪੰਚ ਵਿਕਰਮਜੀਤ ਸਿੰਘ ਛੋਟੇਪੁਰ, ਸਰਪੰਚ ਕੁਲਵਿੰਦਰ ਸਿੰਘ ਆਲੋਵਾਲ, ਨੰਬਰਦਾਰ ਸਰਦਾਰੀ ਲਾਲ ਰਣੀਆਂ, ਐਡਵੋਕੇਟ ਰਾਕੇਸ਼ ਕੁਮਾਰ ਰਣੀਆਂ ਆਦਿ ਵੀ ਸ਼ਾਮਲ ਸਨ।
