ਪੱਤਰ ਪ੍ਰੇਰਕ
ਪਠਾਨਕੋਟ, 21 ਅਕਤੂਬਰ
ਇਥੇ ਬਿਰਧ ਮਹਿਲਾ ਪੁਸ਼ਪਾ ਸਨਵਾਲ ਦੇ ਗਲੇ ’ਚੋਂ ਸੋਨੇ ਦੀ ਚੇਨ ਝਪਟਨ ਵਾਲਿਆਂ ਦੀ ਪੁਲੀਸ ਨੇ ਵੀਡੀਓ ਫੁਟੇਜ ਜਾਰੀ ਕੀਤੀ ਹੈ ਅਤੇ ਮੋਟਰਸਾਈਕਲ ਸਵਾਰ ਦੋਨਾਂ ਮੁਲਜ਼ਮਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਡੀਐੱਸਪੀ ਸਿਟੀ ਸੁਮੀਰ ਸਿੰਘ ਮਾਨ ਨੇ ਕਿਹਾ ਕਿ ਪੁਲੀਸ ਨੇ ਮੁਲਜ਼ਮਾਂ ਦੇ ਰੂਟ ਨੂੰ ਸੀਸੀਟੀਵੀ ਰਾਹੀਂ ਖੰਗਾਲਿਆ ਤਾਂ ਸਾਹਮਣੇ ਆਇਆ ਕਿ ਇਹ ਮੁਲਜ਼ਮ ਗੁਰਦਾਸਪੁਰ ਵੱਲ ਫਰਾਰ ਹੋ ਗਏ ਹਨ। ਇਹ ਦੋਨੋਂ ਸਨੈਚਰ ਬਾਹਰਲੇ ਸ਼ਹਿਰ ਤੋਂ ਆ ਕੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇ ਕੇ ਗਏ ਹਨ। ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਮੁਲਜ਼ਮਾਂ ਨੇ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਇੱਕ ਸਪੋਰਟਸ ਮੋਟਰਸਾਈਕਲ (ਕੇਟੀਐਮ ਕੰਪਨੀ ਦਾ ਡਿਊਕ ਮੋਟਰਸਾਈਕਲ) ਦਾ ਇਸਤੇਮਾਲ ਕੀਤਾ ਹੈ। ਡੀਐਸਪੀ ਨੇ ਕਿਹਾ ਕਿ ਪੁਲੀਸ ਨੇ ਮੁਲਜ਼ਮਾਂ ਦੀ ਸੀਸੀਟੀਵੀ ਫੁਟੇਜ਼ ਵੀ ਵਾਇਰਲ ਕੀਤੀ ਹੈ।