ਪੱਤਰ ਪ੍ਰੇਰਕ
ਅਟਾਰੀ, 13 ਜੁਲਾਈ
ਘਰਿੰਡਾ ਪੁਲੀਸ ਨੇ ਇੱਕ ਕਿੱਲੋਂ ਆਈਸ ਡਰੱਗ ਸਣੇ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਡੀਐੱਸਪੀ ਅਟਾਰੀ ਦੀ ਨਿਗਰਾਨੀ ਹੇਠ ਮੁੱਖ ਅਫ਼ਸਰ ਥਾਣਾ ਘਰਿੰਡਾ ਨੂੰ ਗੁਪਤ ਸੂਚਨਾ ਮਿਲੀ ਕਿ ਰਵਿੰਦਰ ਸਿੰਘ ਵਾਸੀ ਢੋਲਣ ਤਹਿਸੀਲ ਪੱਟੀ ਜ਼ਿਲ੍ਹਾ ਤਰਨ ਤਾਰਨ ਅਤੇ ਧਰਮਪ੍ਰੀਤ ਸਿੰਘ ਵਾਸੀ ਢੋਲਣ ਤਹਿਸੀਲ ਪੱਟੀ ਜ਼ਿਲ੍ਹਾ ਤਰਨ ਤਾਰਨ ਇਨੋਵਾ ਗੱਡੀ ਨੰਬਰ ਪੀਬੀ 03-ਏ ਡਬਲਿਊ-3890 ’ਤੇ ਸਵਾਰ ਹੋ ਕੇ ਝਬਾਲ ਰੋਡ ਤਾਰਨ ਤਾਰਨ ਤੋਂ ਰਾਜਾਤਾਲ ਅਟਾਰੀ ਵੱਲ ਆ ਰਹੇ ਹਨ। ਜੋ ਗਾਹਕਾਂ ਨੂੰ ਨਸ਼ੀਲੇ ਪਦਾਰਥ ਸਪਲਾਈ ਕਰਦੇ ਹਨ। ਮੁੱਖ ਅਫ਼ਸਰ ਥਾਣਾ ਘਰਿੰਡਾ ਵੱਲੋਂ ਪੁਲੀਸ ਪਾਰਟੀ ਦੀ ਮਦਦ ਨਾਲ ਰਵਿੰਦਰ ਅਤੇ ਧਰਮਪ੍ਰੀਤ ਨੂੰ ਕਿੱਲੋ ਆਈਸ ਡਰੱਗ (ਮੇਥਾਮਫੇਟਾਮਾਈਨ) ਅਤੇ ਇਨੋਵਾ ਸਣੇ ਕਾਬੂ ਕਰ ਲਿਆ। ਥਾਣਾ ਘਰਿੰਡਾ ’ਚ ਕੇਸ ਦਰਜ ਕੀਤਾ ਗਿਆ ਹੈ।
