ਪੱਤਰ ਪ੍ਰੇਰਕ
ਪਠਾਨਕੋਟ, 5 ਨਵੰਬਰ
ਦੀਵਾਲੀ ਦੀ ਰਾਤ ਕੁਝ ਨੌਜਵਾਨਾਂ ਨੇ ਨਸ਼ੇ ਵਿੱਚ ਧੁੱਤ ਹੋ ਕੇ ਪੁਰਾਣੀ ਐੱਸਡੀਐੱਮ ਕਚਹਿਰੀ ਕੋਲ ਹੁੜਦੰਗ ਮਚਾਇਆ ਅਤੇ ਅੱਧਾ ਦਰਜਨ ਦੇ ਕਰੀਬ ਵਾਹਨਾਂ ਦੀ ਭੰਨ-ਤੋੜ ਕੀਤੀ। ਇਸ ਦੌਰਾਨ ਇੱਕ ਟਰੱਕ ਵਿੱਚ ਸੁੱਤੇ ਹੋਏ ਨੌਜਵਾਨ ਨਾਲ ਮਾਰਕੁੱਟ ਕਰਦੇ ਹੋਏ ਉਸ ਕੋਲੋਂ ਨਗਦੀ ਖੋਹੀ। ਬਾਅਦ ਵਿੱਚ ਹੁੱਲੜਬਾਜ਼ਾਂ ਨੇ ਸਾਮਾਨ ਖਰੀਦ ਰਹੇ ਇੱਕ ਨੌਜਵਾਨ ਦੀ ਮਾਰਕੁੱਟ ਕਰਦੇ ਹੋਏ ਉਸ ਨੂੰ ਜ਼ਖ਼ਮੀ ਕਰ ਦਿੱਤਾ। ਉਸ ਨੂੰ ਸਿਵਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਜ਼ਖਮੀ ਦਾ ਨਾਂ ਤਨਵੀਰ ਸਿੰਘ ਵਾਸੀ ਗੁਰੂ ਗੋਬਿੰਦ ਸਿੰਘ ਨਗਰ ਦੱਸਿਆ ਗਿਆ ਹੈ। ਡੀਐੱਸਪੀ ਰਾਜਿੰਦਰ ਮਨਹਾਸ ਨੇ ਦੱਸਿਆ ਕਿ ਤਿੰਨ ਜਣਿਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ। ਬਾਕੀਆਂ ਨੂੰ ਕਾਬੂ ਕਰਨ ਲਈ ਛਾਪੇ ਮਾਰੇ ਜਾ ਰਹੇ ਹਨ।
