ਪੱਤਰ ਪ੍ਰੇਰਕ
ਟੱਲੇਵਾਲ, 26 ਮਈ
ਭਾਰਤੀ ਕਿਸਾਨ ਯੂਨੀਅਨ ਕਾਦੀਆਂ ਦੀ ਬਲਾਕ ਪੱਧਰੀ ਮੀਟਿੰਗ ਬਲਾਕ ਪ੍ਰਧਾਨ ਜਸਵੀਰ ਸਿੰਘ ਸੀਰਾ ਸੁਖਪੁਰ ਦੀ ਅਗਵਾਈ ਵਿਚ ਗੁਰਦੁਆਰਾ ਸੁੱਚਾਸਰ ਪੱਖੋ ਕੇ ਵਿੱਚ ਹੋਈ। ਇਸ ਮੀਟਿੰਗ ਵਿਚ ਸੰਪੂਰਨ ਸਿੰਘ ਚੁੂੰਘਾ ਸੂਬਾ ਮੀਤ ਪ੍ਰਧਾਨ, ਸਰਪੰਚ ਸਿਕੰਦਰ ਸਿੰਘ ਨਿੰਮਵਾਲਾ ਜ਼ਿਲ੍ਹਾ ਮੀਤ ਪ੍ਰਧਾਨ, ਊਧਮ ਸਿੰਘ ਜੋਧਪੁਰ ਅਤੇ ਰੁਪਿੰਦਰ ਸਿੰਘ ਭਿੰਦਾ ਹਾਜ਼ਰ ਹੋਏ। ਇਸ ਮੌਕੇ ਆਗੂਆਂ ਨੇ ਕਿਹਾ ਕਿ ਆਉਣ ਵਾਲੇ ਝੋਨੇ ਦੇ ਸੀਜ਼ਨ ਦੌਰਾਨ ਜਿੱਥੇ ਕਿਸਾਨ ਨਹਿਰੀ ਪਾਣੀ ਦੀ ਵਰਤੋਂ ਨੂੰ ਤਵੱਜੋ ਦੇਣ ਅਤੇ ਪਾਣੀ ਦੀ ਉਨੀ ਹੀ ਵਰਤੋਂ ਕੀਤੀ ਜਾਵੇ ਜਿੰਨੀ ਦੀ ਲੋੜ ਹੈ। ਆਉਣ ਵਾਲੇ ਸੀਜ਼ਨ ਲਈ ਪ੍ਰਸ਼ਾਸਨ ਕਿਸਾਨਾਂ ਲਈ ਰੈਕ ਬਰਨਾਲਾ ਵਿੱਚ ਲਾਵੇ ਤਾਂ ਜੋ ਕਿਸਾਨਾਂ ਨੂੰ ਝੋਨੇ ਦੇ ਸੀਜ਼ਨ ਮੌਕੇ ਖਾਦ ਆਦਿ ਦੀ ਸਮੱਸਿਆ ਨਾ ਆਵੇ। ਇਸ ਮੌਕੇ ਹਾਜ਼ਰ ਜਥੇਬੰਦੀ ਦੇ ਆਗੂਆਂ ਵਲੋਂ ਟੱਲੇਵਾਲ ਨਾਲ ਸਬੰਧਤ ਪਿੰਡ ਇਕਾਈ ਦੀ ਚੋਣ ਵੀ ਕੀਤੀ ਗਈ। ਇਸ ਵਿਚ ਹਰਜੰਤ ਸਿੰਘ ਜੰਟਾ ਭਿੰਡਰ ਨੂੰ ਇਕਾਈ ਪ੍ਰਧਾਨ, ਬੇਅੰਤ ਸਿੰਘ ਨੱਤ ਸਾਬਕਾ ਸਰਪੰਚ ਮੀਤ ਪ੍ਰਧਾਨ, ਜਗਰਾਜ ਸਿੰਘ ਰਾਜਾ ਜੱਸੜ ਜਨਰਲ ਸਕੱਤਰ, ਅਮਰਜੀਤ ਸਿੰਘ ਅਮਰਾ ਸਕੱਤਰ, ਜਗਰੂਪ ਸਿੰਘ ਸਰਾਂ ਸਹਾਇਕ ਸਕੱਤਰ ਆਦਿ ਚੁਣੇ ਗਏ।
