ਪੱਤਰ ਪ੍ਰੇਰਕ
ਭੀਖੀ, 16 ਨਵੰਬਰ
ਸਥਾਨਕ ਜੈ ਦੁਰਗਾ ਕੰਪਿਊਟਰ ਇੰਸਟੀਚਿਊਟ ਐਡ ਕੋਚਿੰਗ ਸੈਂਟਰ ਵੱਲੋਂ ਮਿਸ ਐਂਡ ਮਿਸਟਰ ਭੀਖੀ ਪ੍ਰੋਗਰਾਮ ਕਰਵਾਇਆ ਗਿਆ, ਸਮਾਗਮ ਦੌਰਾਨ ਮਹਿਮਾਨ ਮਨਮੋਹਨ ਸਿੰਘ ਮਾਰਕਿਟ ਕਮੇਟੀ ਸਕੱਤਰ ਬੁਢਲਾਡਾ ਵੱਲੋ ਪ੍ਰੋਗਰਾਮ ਦਾ ਰੀਬਨ ਕੱਟ ਕੇ ਸ਼ੁਰੂਆਤ ਕੀਤੀ ਗਈ। ਪੰਜਾਬ ਦੇ ਪ੍ਰਸਿੱਧ ਗਾਇਕ ਹਰਿੰਦਰ ਸੰਧੂ, ਪ੍ਰਸਿੱਧ ਜੋੜੀ ਸੁਰਿੰਦਰ ਮਾਨ ਤੇ ਕਰਮਜੀਤ ਕੰਮੋ, ਬਿੱਟੂ ਖੰਨੇ ਵਾਲਾ, ਬਲਵੀਰ ਰਾਏ ਤੇ ਰੁਪਿੰਦਰ ਰਿੰਪੀ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਮੂਲੀਅਤ ਕੀਤੀ। ਇਸ ਪ੍ਰੋਗਰਾਮ ਦੇ ਦੌਰਾਨ ਮਿਸ ਭੀਖੀ ਅਰਸ਼ਦੀਪ ਕੌਰ ਦੇ ਹਿੱਸੇ ਆਇਆ। ਦੂਜੀ ਪੁਜ਼ੀਸਨ ਦਾ ਖਿਤਾਬ ਅਰਵਿੰਦਰ ਕੌਰ ਅਤੇ ਤੀਜੀ ਪੁਜ਼ੀਸਨ ਜਸਪ੍ਰੀਤ ਕੌਰ ਨੇ ਪ੍ਰਾਪਤ ਕੀਤਾ ਮੁੰਡਿਆਂ ਵਿੱਚੋ ਮਿਸਟਰ ਭੀਖੀ ਦਾ ਖਿਤਾਬ ਚਮਕੌਰ ਸਿੰਘ ਦੇ ਹਿੱਸੇ ਆਇਆ, ਦੂਜੀ ਪੁਜ਼ੀਸਨ ਰਚਨਦੀਪ ਸਿੰਘ ਤੇ ਤੀਸਰੀ ਪਜ਼ੀਸਨ ਜਗਸੀਰ ਸਿੰਘ ਨੇ ਪ੍ਰਾਪਤ ਕੀਤਾ।
