ਪੱਤਰ ਪੇ੍ਰਕ
ਭਾਈਰੂਪਾ, 3 ਅਗਸਤ
ਬਹੁ ਮੰਤਵੀ ਸਹਿਕਾਰੀ ਖੇਤੀਬਾੜੀ ਸਭਾ ਸਲਾਬਤਪੁਰਾ ਦੀ ਚੋਣ ਸ਼ਾਤੀਪੂਰਵਕ ਢੰਗ ਨਾਲ ਨੇਪਰੇ ਚੜ੍ਹ ਗਈ। ਸਲਾਬਤਪੁਰਾ, ਆਦਮਪੁਰਾ ਤੇ ਰਾਜਗੜ੍ਹ ਉਕਤ ਤਿੰਨ ਪਿੰਡਾਂ ਦੀ ਸਾਂਝੀ ਸਭਾ ਦੀ ਚੋਣ ’ਚ ਹੋਰਨਾਂ ਰਾਜਨੀਤਿਕ ਪਾਰਟੀਆਂ ਵਲੋਂ ਕਾਗਜ਼ ਨਾ ਭਰਨ ਕਾਰਨ ਉਕਤ ਸਹਿਕਾਰੀ ਸਭਾ ’ਚ ਸਮੁੱਚੇ ਮੈਂਬਰ ਕਾਂਗਰਸ ਪਾਰਟੀ ਨਾਲ ਸਬੰਧਤ ਚੁਣੇ ਗਏ ਹਨ। ਰਿਟਰਨਿੰਗ ਅਫਸਰ ਗੁਰਪ੍ਰੀਤ ਕੌਰ ਤੇ ਜਤੇਸ਼ ਕੁਮਾਰ ਦੀ ਦੇਖ ਰੇਖ ’ਚ ਹੋਈ ਉਕਤ ਚੋਣ ’ਚ ਜਗਰੂਪ ਸਿੰਘ, ਮਹਿਮਾ ਸਿੰਘ, ਗੁਰਜੀਤ ਕੌਰ, ਨਛੱਤਰ ਸਿੰਘ, ਸਮਸ਼ੇਰ ਸਿੰਘ, ਬਲਵਿੰਦਰ ਸਿੰਘ, ਗੁਰਚਰਨ ਸਿੰਘ, ਰਾਜਭੁਪਿੰਦਰ ਸਿੰਘ, ਜਗਰੂਪ ਸਿੰਘ ਤੇ ਸਤਿਨਾਮ ਸਿੰਘ ਜੇਤੂ ਹੋਏ ਹਨ।
