ਪੱਤਰ ਪ੍ਰੇਰਕ
ਨਿਹਾਲ ਸਿੰਘ ਵਾਲਾ/ਮੋਗਾ, 30 ਅਗਸਤ
ਲਾਇਨਜ਼ ਕਲੱਬ ਮੋਗਾ ( ਗੋਲਡ)ਅਤੇ ਲਾਇਨਜ਼ ਕਲੱਬ ਬੱਧਨੀ ਕਲਾਂ ਦਾ ਤਾਜਪੋਸ਼ੀ ਸਮਾਗਮ ਦੋਸਤੀ 2022 ਜ਼ਿਲ੍ਹਾ ਗਵਰਨਰ ਲਾਇਨ ਲਲਿਤ ਬਹਿਲ ਦੀ ਪ੍ਰਧਾਨਗੀ ਹੇਠ ਮੋਗਾ ਵਿੱਚ ਹੋਇਆ। ਮੋਗਾ ਦੇ ਵਿਧਾਇਕਾ ਅਮਨਦੀਪ ਕੌਰ ਅਰੋੜਾ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਦੋਨਾਂ ਕਲੱਬਾਂ ਦੇ ਪ੍ਰਧਾਨਾਂ ਅਸ਼ਵਨੀ ਕੁਮਾਰ ਅਰੋੜਾ ਤੇ ਹਰਦੀਪ ਕਮਲ ਤਾਇਲ, ਸਕੱਤਰਾਂ ਪ੍ਰਿੰਸ ਅਰੋੜਾ ਤੇ ਪਰਵਿੰਦਰ ਸਿੰਘ ਮਿੰਟੂ, ਖਜ਼ਾਨਚੀਆਂ ਸੰਜੀਵ ਨਰੂਲਾ ਤੇ ਹਰਪ੍ਰਕਾਸ਼ ਮੰਗਲਾ ਸਮੇਤ ਕਲੱਬਾਂ ਦੇ ਅਹੁਦੇਦਾਰਾਂ ਤੇ ਮੈਂਬਰਾਂ ਨੂੰ ਸਹੁੰ ਚੁਕਾਈ। ਇਸ ਮੌਕੇ ਰਿਜ਼ਨ ਚੇਅਰਮੈਨ ਮਨੋਜ ਭੱਲਾ, ਸਾਬਕਾ ਜ਼ਿਲ੍ਹਾ ਗਵਰਨਰ ਯੋਗੇਸ਼ ਸੋਨੀ, ਸਾਬਕਾ ਜ਼ਿਲ੍ਹਾ ਗਵਰਨਰ ਪ੍ਰੇਮ ਗਰੋਵਰ ਸਾਬਕਾ , ਜੋਨ ਚੇਅਰਮੈਨ ਦੀਪਕ ਜਿੰਦਲ ਨੇ ਨਵੀਂਆਂ ਟੀਮਾਂ ਨੂੰ ਮੁਬਾਰਕਵਾਦ ਦਿੱਤੀ।
ਜ਼ਿਲ੍ਹਾ ਗਵਰਨਰ ਲਲਿਤ ਬਹਿਲ ਨੇ ਕਲੱਬ ਵੱਲੋਂ ਕੀਤੇ ਜਾਂਦੇ ਕੰਮਾਂ ,ਉਦੇਸ਼ਾਂ ਬਾਰੇ ਦੱਸਦਿਆਂ ਸਮਾਜ ਸੇਵਾ ਵਿੱਚ ਹੋਰ ਸਰਗਰਮ ਹੋਣ ਲਈ ਕਿਹਾ। ਵਿਧਾਇਕਾ ਅਮਨਦੀਪ ਕੌਰ ਅਰੋੜਾ ਨੇ ਲਾਇਨਜ਼ ਕਲੱਬਾਂ ਦੇ ਕੰਮਾਂ ਦੀ ਸ਼ਲਾਘਾ ਕੀਤੀ।ਸਮਾਗਮ ਦੌਰਾਨ ਸੱਭਿਆਚਰਕ ਪ੍ਰੋਗਰਾਮ ਵੀ ਪੇਸ਼ ਕੀਤਾ ਗਿਆ।
