ਨਿੱਜੀ ਪੱਤਰ ਪ੍ਰੇਰਕ
ਜਲਾਲਾਬਾਦ, 1 ਨਵੰਬਰ
ਇੱਥੇ ਸਥਾਨਕ ਪਰਸਵਾਰਥ ਸਭਾ ਜਲਾਲਾਬਾਦ ਵੱੱਲੋਂ ਪਰਸਵਾਰਥ ਸਭਾ ਸਕੂਲ ਦੇ ਬੱਚਿਆਂ ਨੂੰ ਵਰਦੀਆਂ ਅਤੇ ਦੀਵਾਲੀ ਦੀ ਮਠਿਆਈ ਵੰਡੀ ਗਈ। ਇਸ ਮੌਕੇ ਸਭਾ ਵੱਲੋਂ ਇਕ ਪ੍ਰੋਗਰਾਮ ਕਰਵਾਇਆ ਗਿਆ। ਅਨਿਲ ਨਾਗਪਾਲ ਦੀ ਸਰਪ੍ਰਸਤੀ ’ਚ ਰੱਖੇ ਗਏ ਪ੍ਰੋਗਰਾਮ ਦੌਰਾਨ ਗੌਰਵ ਮੁਟਨੇਜਾ ਨੇ ਮੁੱਖ ਮਹਿਮਾਨ ਦੇ ਤੌਰ ’ਤੇ ਸ਼ਿਰਕਤ ਕੀਤੀ। ਇਸ ਮੌਕੇ ਸਭਾ ਵੱਲੋਂ ਚਲਾਏ ਜਾ ਰਹੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਦੀਵਾਲੀ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ ਗਈਆ। ਮੁੱਖ ਮਹਿਮਾਨ ਗੌਰਵ ਮੁਟਨੇਜਾ ਨੇ ਸੰਸਥਾ ਵਲੋਂ ਚਲਾਏ ਜਾ ਰਹੇ ਮੁਫਤ ਸਿੱਖਿਆ ਕੇਂਦਰ ਦੀ ਸ਼ਲਾਘਾ ਕੀਤੀ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਵਿਜੇ ਬਾਘਲਾ ਪ੍ਰਧਾਨ, ਗੁਰਚਰਨ ਕਮੀਰੀਆ ਉਪ ਪ੍ਰਧਾਨ, ਭਹਗਵਾਨ ਦਾਸ, ਵਿਸ਼ਾਲ ਮਦਾਨ, ਪਵਨ ਮਨਚੰਦਾ, ਅਸ਼ੋਕ ਗਗਨੇਜਾ, ਤਾਰਾ ਚੰਦ ਗੁਗਲਾਨੀ, ਮੋਹਨ ਲਾਲ ਕੁੱਕੜ, ਅਜੇਬ ਸਿੰਘ, ਦੀਨਾ ਨਾਥ ਡੋਡਾ, ਚਾਂਦ ਕਿਸ਼ਨ, ਦਰਸ਼ਨ ਸਿੰਘ, ਹਰਪ੍ਰੀਤ ਸਿੰਘ, ਕੁੱਕੜ, ਸੋਨੂੰ ਸਿੰਘ, ਮੈਡਮ ਕੀਰਤੀ ਵਾਟਸ, ਤਿਲਕ ਰਾਜ ਕੁਮਾਰ, ਸੁਰੇਸ਼ ਚੌਹਾਨ ਆਦਿ ਮੌਜੂਦ ਸਨ। ਅੰਤ ’ਚ ਸਭਾ ਵੱਲੋਂ ਮੁੱਖ ਮਹਿਮਾਨ ਗੌਰਵ ਮੁਟਨੇਜਾ ਨੂੰ ਯਾਦਗਾਰ ਚਿੰਨ੍ਹ ਦੇ ਕੇ ਸਨਮਾਨਤ ਕੀਤਾ ਗਿਆ।
