ਖੇਤਰੀ ਪ੍ਰਤੀਨਿਧ
ਬਰਨਾਲਾ, 25 ਅਗਸਤ
ਡੈਮੋਕ੍ਰੈਟਿਕ ਮੁਲਾਜ਼ਮ ਫੈਡਰੇਸ਼ਨ (ਡੀਐੱਮਐੱਫ) ਬਰਨਾਲਾ ਦਾ ਇੱਥੇ ਸਸਸ ਸਕੂਲ (ਲੜਕੇ) ਵਿੱਚ ਜ਼ਿਲ੍ਹਾ ਚੋਣ ਇਜਲਾਸ ਹੋਇਆ। ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਜੁਗਰਾਜ ਟੱਲੇਵਾਲ ਨੂੰ ਸਨਮਾਨਿਤ ਕਰਦਿਆਂ ਫੈਡਰੇਸ਼ਨ ਵਿੱਚੋਂ ਨਿੱਘੀ ਵਿਦਾਇਗੀ ਵੀ ਦਿੱਤੀ ਗਈ। ਇਜਲਾਸ ’ਚ ਜਨਰਲ ਸਕੱਤਰ ਖੁਸ਼ਮਿੰਦਰਪਾਲ ਹੰਢਿਆਇਆ ਨੇ ਡੀਐੱਮਐੱਫ ਦੀਆਂ ਗਤੀਵਿਧੀਆਂ ਦੀ ਰਿਪੋਰਟ ਪੇਸ਼ ਕੀਤੀ। ਜ਼ਿਲ੍ਹਾ ਪ੍ਰਧਾਨ ਰਾਜੀਵ ਕੁਮਾਰ ਵੱਲੋਂ ਡੀਐੱਮਐੱਫ ਦੀ ਜ਼ਿਲ੍ਹਾ ਕਮੇਟੀ ਲਈ ਨਾਵਾਂ ਦੀ ਤਜਵੀਜ਼ ਪੇਸ਼ ਕੀਤੀ ਜਿਸ ਨੂੰ ਸਰਬਸੰਮਤੀ ਨਾਲ ਪ੍ਰਵਾਨ ਕੀਤਾ ਗਿਆ। ਉਪਰੰਤ ਚੋਣ ਦੌਰਾਨ ਖੁਸ਼ਮਿੰਦਰਪਾਲ ਹੰਢਿਆਇਆ ਨੂੰ ਜ਼ਿਲ੍ਹਾ ਪ੍ਰਧਾਨ ਬਲਜਿੰਦਰ ਪ੍ਰਭੂ ਨੂੰ ਜ਼ਿਲ੍ਹਾ ਜਨਰਲ ਸਕੱਤਰ, ਮਹਿਮਾ ਸਿੰਘ ਢਿੱਲੋਂ, ਰਾਜੀਵ ਕੁਮਾਰ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਹਰਪਾਲ ਸੁਖਪੁਰ, ਨਿਰਮਲ ਚੁਹਾਣਕੇ, ਗੁਰਿੰਦਰਪਾਲ ਸਿੰਘ, ਰਮਨਦੀਪ ਸਿੰਗਲਾ, ਰਜਿੰਦਰ ਮੂਲੋਵਾਲ, ਸੁਰਿੰਦਰਪਾਲ ਕੌਰ, ਬਿਮਲਾ ਦੇਵੀ ਤੇ ਨਵਜੀਵਨ ਸਿੰਘ ਨੂੰ ਮੀਤ ਪ੍ਰਧਾਨ, ਸੁਖਪਾਲ ਕੌਰ ਤਪਾ ਨੂੰ ਵਿੱਤ ਸਕੱਤਰ, ਸੁਖਪ੍ਰੀਤ ਸਿੰਘ ਬੜੀ ਨੂੰ ਸਹਾਇਕ ਸਕੱਤਰ ਚੁਣੇ ਗਏ। ਜਦਕਿ ਬਲਦੇਵ ਮੰਡੇਰ, ਮਨੀਸ਼ ਕੁਮਾਰ ਠੀਕਰੀਵਾਲ, ਮਲਕੀਤ ਮੂਲੋਵਾਲ, ਅੰਮ੍ਰਿਤ ਹਰੀਗੜ੍ਹ, ਦਰਸ਼ਨ ਜੈਤੋ, ਅਮਰਜੀਤ ਸਿੰਘ ਧਨੌਲਾ ਤੇ ਗੁਰਚਰਨ ਸਿੰਘ ਤੇ ਸੁਖਜਿੰਦਰ ਰਾਮਗੜ੍ਹ ਨੂੰ ਜ਼ਿਲ੍ਹਾ ਕਮੇਟੀ ਮੈਂਬਰ ਚੁਣਿਆ ਗਿਆ।
