ਭਦੌੜ: ‘ਆਪ’ ਉਮੀਦਵਾਰ ਲਾਭ ਸਿੰਘ ਉੱਗੋਕੇ ਅਤੇ ਗੀਤਕਾਰ ਮੱਟ ਸ਼ੇਰੋਂ ਵਾਲਾ ਨੇ ਇੱਥੇ ਕੋਠੇ ਝਾਂਹਿਆਂ ਵਾਲੀ, ਪੱਤੀ ਦੀਪ ਸਿੰਘ, ਮੱਝੂਕੇ ਰੋਡ, ਤਲਵੰਡੀ ਰੋਡ ਅਤੇ ਤਿੰਨਕੋਣੀ ਵਿੱਚ ਚੋਣ ਜਲਸੇ ਕੀਤੇ। ਗੀਤਕਾਰ ਮੱਟ ਸ਼ੇਰੋਂ ਵਾਲੇ ਨੇ ਕਵਿਤਾ ਰਾਹੀਂ ਢੀਂਡਸਾ, ਸਿੰਗਲਾ, ਕੈਪਟਨ ਅਤੇ ਬਾਦਲ ਪਰਿਵਾਰ ’ਤੇ ਵਿਅੰਗ ਕਸਿਆ। ਉਨ੍ਹਾਂ ਕਿਹਾ,‘‘ਗਰੀਬ ਘਰ ਦੇ ਮੁੰਡੇ ਨੇ ਮੁੱਖ ਮੰਤਰੀ ਖ਼ਿਲਾਫ਼ ਚੋਣ ਲੜਨ ਦਾ ਹੌਸਲਾ ਕੀਤਾ ਹੈ, ਇਸ ਹੌਸਲਾ ਨਾ ਟੁੱਟਣ ਦਿਓ ਤੇ 20 ਫ਼ਰਵਰੀ ਨੂੰ ਝਾੜੂ ਨੂੰ ਹਮਾਇਤ ਦਿਓ।’’ ਉਮੀਦਵਾਰ ਲਾਭ ਸਿੰਘ ਉੱਗੋਕੇ ਨੇ ਕਿਹਾ ਕਿ ਪੰਜਾਬ ਵਿੱਚ ਸਰਕਾਰ ਬਣਨ ’ਤੇ ਦਿੱਲੀ ਵਾਂਗ ਸਿੱਖਿਆ ਅਤੇ ਸਿਹਤ ਦੇ ਸੁਧਾਰ ਵਿੱਚ ਨਵੀਂ ਕ੍ਰਾਂਤੀ ਆਵੇਗੀ ਤੇ ਭਦੌੜ ਦੇ ਹਸਪਤਾਲ ਵਿੱਚ ਡਾਕਟਰ ਦੀ ਕੋਈ ਨਹੀਂ ਰਹੇਗੀ ਅਤੇ ਸਾਰੇ ਟੈਸਟ ਮੁਫ਼ਤ ਹੋਣਗੇ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
