ਨਿੱਜੀ ਪੱਤਰ ਪ੍ਰੇਰਕ
ਬਠਿੰਡਾ, 25 ਸਤੰਬਰ
ਸਿੱਖਿਆ ਵਿਭਾਗ ਵੱਲੋਂ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਦੇ ਖੇਡ ਮੈਦਾਨ ਕਰਵਾਈਆਂ 66ਵੀਆਂ ਜ਼ਿਲ੍ਹਾ ਪੱਧਰੀ ਸਕੂਲ ਖੇਡਾਂ ’ਚ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਜਾਣਕਾਰੀ ਅਨੁਸਾਰ ਕੈਰਮ ਬੋਰਡ (ਅੰਡਰ-14 ਲੜਕੇ) ਦੇ ਮੁਕਾਬਲਿਆਂ ’ਚ ਮੌੜ ਨੇ ਪਹਿਲਾ, ਭੁੱਚੋ ਨੇ ਦੂਜਾ, (ਅੰਡਰ-17 ਲੜਕੇ) ਵਰਗ ਵਿੱਚ ਬਠਿੰਡਾ-2 ਨੇ ਪਹਿਲਾ, ਬਠਿੰਡਾ-1 ਨੇ ਦੂਜਾ, ਅੰਡਰ-19 ਵਿੱਚ ਭੁੱਚੋ ਨੇ ਪਹਿਲਾ ਅਤੇ ਮੌੜ ਨੇ ਦੂਜਾ ਸਥਾਨ ਹਾਸਲ ਕੀਤਾ। ਇਸੇ ਤਰ੍ਹਾਂ ਕੁਸ਼ਤੀਆਂ ਅੰਡਰ-14 (ਲੜਕਿਆਂ) ਦੇ 35 ਕਿਲੋ ਵਜ਼ਨੀ ਮੁਕਾਬਲੇ ਵਿੱਚ ਰਾਮ ਸਿੰਘ ਭੁੱਚੋ ਨੇ ਪਹਿਲਾ, ਪ੍ਰਲਾਦ ਸਿੰਘ ਤਲਵੰਡੀ ਸਾਬੋ ਨੇ ਦੂਜਾ, 68 ਕਿਲੋ ਵਜ਼ਨ ਵਿੱਚ ਗੁਰਸ਼ਾਨ ਸਿੰਘ ਮੌੜ ਨੇ ਪਹਿਲਾ, ਆਕਾਸ਼ਦੀਪ ਸਿੰਘ ਨੇ ਦੂਜਾ, 62 ਕਿਲੋ ਵਜ਼ਨ ਵਿੱਚ ਗਗਨਦੀਪ ਸਿੰਘ ਭਗਤਾ ਨੇ ਪਹਿਲਾ, ਹਰਮਨਪ੍ਰੀਤ ਸਿੰਘ ਮੌੜ ਨੇ ਦੂਜਾ, ਬਾਕਸਿੰਗ 42 ਕਿਲੋ ਵਜ਼ਨ ਵਿੱਚ ਭੁਪਿੰਦਰ ਸਿੰਘ ਮੌੜ ਨੇ ਪਹਿਲਾ, ਜਸਕਰਨ ਸਿੰਘ ਮੌੜ ਨੇ ਦੂਜਾ, 50 ਕਿਲੋ ਵਜ਼ਨ ਵਿੱਚ ਰਣਵੀਰ ਸਿੰਘ ਤਲਵੰਡੀ ਸਾਬੋ ਨੇ ਪਹਿਲਾ, ਗੁਰਕੀਰਤ ਸਿੰਘ ਮੌੜ ਨੇ ਦੂਜਾ, ਬਾਸਕਟਬਾਲ ਦੇ ਅੰਡਰ-17 ਮੁਕਾਬਲੇ ਵਿੱਚ ਬਠਿੰਡਾ-1 ਨੇ ਪਹਿਲਾ, ਬਠਿੰਡਾ-2 ਨੇ ਦੂਜਾ, ਅੰਡਰ-19 ਵਿੱਚ ਬਠਿੰਡਾ-1 ਨੇ ਪਹਿਲਾ, ਬਠਿੰਡਾ-2 ਨੇ ਦੂਜਾ, ਅੰਡਰ-14 ਵਿੱਚ ਬਠਿੰਡਾ-2 ਨੇ ਪਹਿਲਾ ਅਤੇ ਬਠਿੰਡਾ-1 ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ।
ਗਿੱਦੜਬਾਹਾ (ਪੱਤਰ ਪ੍ਰੇਰਕ): ਖੇਡਾਂ ਵਤਨ ਪੰਜਾਬ ਦੀਆਂ ਵਿੱਚ ਬਾਸਕਟਬਾਲ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਮੁਕਤਸਰ ਸਾਹਿਬ ਵਿਚ ਕਰਵਾਏ ਗਏ। ਜਾਣਕਾਰੀ ਦਿੰਦਿਆਂ ਬਾਸਕਟਬਾਲ ਕੋਚ ਜਗਸੀਰ ਪੁਰੀ, ਲਵਪ੍ਰੀਤ ਸਿੰਘ ਡੀਪੀ ਮਾਲਵਾ ਸਕੂਲ਼ ਤੇ ਮਧੂ ਪੁਰੀ ਨੇ ਦੱਸਿਆ ਕਿ ਬਾਬਾ ਗੰਗਾ ਰਾਮ ਬਾਸਕਟਬਾਲ ਸਟੇਡੀਅਮ ਅਤੇ ਮਾਲਵਾ ਸਕੂਲ਼ ਗਿੱਦੜਬਾਹਾ ਦੀਆਂ ਅੰਡਰ ਵਰਗ-14, 17 ਅਤੇ 19 ਟੀਮਾਂ ਨੇ ਤਿੰਨੇ ਵਰਗਾਂ ਵਿੱਚ ਪਹਿਲੀ ਪੁਜੀਸ਼ਨ ਹਾਸਲ ਕੀਤੀ ਹੈ।
