ਮਾਨਸਾ (ਪੱਤਰ ਪ੍ਰੇਰਕ): ਮਾਨਸਾ ਪੁਲੀਸ ਨੇ ਵੱਖ-ਵੱਖ ਮਾਮਲਿਆਂ ’ਚ 5 ਵਿਅਕਤੀਆਂ ਪਾਸੋਂ 10 ਕਿਲੋਗ੍ਰਾਮ ਭੁੱਕੀ ਚੂਰਾ ਪੋਸਤ ਸਮੇਤ ਕਾਰ, 200 ਲਿਟਰ ਲਾਹਣ ਅਤੇ 11 ਬੋਤਲਾਂ ਸ਼ਰਾਬ ਬਰਾਮਦ ਕੀਤੀ ਹੈ। ਸੀਨੀਅਰ ਕਪਤਾਨ ਪੁਲੀਸ ਗੌਰਵ ਤੂਰਾ ਨੇ ਦੱਸਿਆ ਕਿ ਲਵਪ੍ਰੀਤ ਸਿੰਘ ਉਰਫ ਲਵੀ ਵਾਸੀ ਜੋੋਗਾ ਨੂੰ ਸਵਿੱਫਟ ਕਾਰ ਨੰ: ਡੀ.ਐਲ.3ਸੀ.ਬੀ.ਬੀ-5005 ਸਮੇਤ 10 ਕਿਲੋੋ ਭੁੱਕੀ ਚੂਰਾ ਪੋੋਸਤ ਦੀ ਬਰਾਮਦਗੀ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਦਰਸ਼ਨ ਸਿੰਘ ਵਾਸੀ ਅਹਿਮਦਪੁਰ ਪਾਸੋਂ 100 ਲਿਟਰ ਲਾਹਣ ਅਤੇ ਸੁਰਜੀਤ ਸਿੰਘ ਵਾਸੀ ਸੈਦੇਵਾਲਾ ਕੋਲੋਂ 50 ਲਿਟਰ ਲਾਹਣ, ਜਦੋਂ ਕਿ ਅਮਨਦੀਪ ਸਿੰਘ ਉਰਫ ਅਮਨਾ ਵਾਸੀ ਮੂਸਾ ਪਾਸੋਂ 50 ਲਿਟਰ ਲਾਹਣ ਬਰਾਮਦ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਜਿਊਣ ਸਿੰਘ ਉਰਫ ਜਿਊਣਾ ਵਾਸੀ ਲੱਲੂਆਣਾ ਪਾਸੋਂ 11 ਬੋਤਲਾਂ ਸ਼ਰਾਬ ਬਰਾਮਦ ਕੀਤੀ ਗਈ ਹੈ।
ਸਬੰਧਿਤ ਖ਼ਬਰਾਂ
