ਪੱਤਰ ਪ੍ਰੇਰਕ
ਮਾਨਸਾ, 29 ਜੁਲਾਈ
ਪੁਲੀਸ ਨੇ ਵੱਖ-ਵੱਖ ਮਾਮਲਿਆਂ ’ਚ ਪੰਜ ਵਿਅਕਤੀਆਂ ਪਾਸੋਂ ਨਸ਼ੀਲੀਆਂ ਵਸਤਾਂ ਬਰਾਮਦ ਕੀਤੀਆਂ ਹਨ। ਐੱਸਐੱਸਪੀ ਗੌਰਵ ਤੌਰਾ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਨੇ ਗੁਰਦੀਪ ਸਿੰਘ ਵਾਸੀ ਝੰਡਾਂ ਕਲਾਂ ਪਾਸੋਂ 550 ਨਸ਼ੀਲੀਆਂ ਗੋੋਲੀਆਂ, ਬਬਲੀ ਸਿੰਘ ਤੇ ਗੋਲਡੀ ਸਿੰਘ ਉਰਫ ਜੰਗੀਰਾ ਵਾਸੀ ਮਾਨਸਾ ਨੂੰ ਮੋਟਰਸਾਈਕਲ ਤੇ 25 ਗ੍ਰਾਮ ਹੈਰੋਇੰਨ ਸਣੇ ਗ੍ਰਿਫ਼ਤਾਰ ਕੀਤਾ ਹੈ। ਗੁਰਮੇਲ ਸਿੰਘ ਵਾਸੀ ਪਿੰਡ ਫੁੱਲੂਵਾਲਾ ਡੋਡ ਪਾਸੋਂ 100 ਲਿਟਰ ਲਾਹਣ ਅਤੇ ਭੋਲਾ ਸਿੰਘ ਵਾਸੀ ਫੁੱਲੂਵਾਲਾ ਡੋਡ ਪਾਸੋਂ ਇਕ ਚਾਲੂ ਭੱਠੀ, 20 ਲਿਟਰ ਲਾਹਣ ਤੇ ਸ਼ਰਾਬ ਦੀਆਂ ਚਾਰ ਬੋਤਲਾਂ ਬਰਾਮਦ ਕੀਤੀਆਂ ਹਨ। ਹਾਕਮ ਸਿੰਘ ਵਾਸੀ ਬਰੇਟਾ ਨੂੰ ਸੱਟਾ ਲਾਉਂਦਿਆਂ ਕਾਬੂ ਕਰ ਕੇ ਉਸ ਪਾਸੋੋਂ 1400 ਰੁਪਏ ਬਰਾਮਦ ਕੀਤੇ ਹਨ।
