ਬਾਘਾ ਪੁਰਾਣਾ: ਪਿੰਡ ਕਾਲੇਕੇ ਦੀ ਅਕਾਲ ਅਕੈਡਮੀ ਦੇ ਵਿਦਿਆਰਥੀਆਂ ਦੀ ਗੁਰਦੁਆਰਾ ਬੂੜ ਸਾਹਿਬ ਵੱਲੋਂ ਸਥਾਪਤ ਕਲਗੀਧਰ ਟਰੱਸਟ ਵੱਲੋਂ ਕਰਵਾਏ ਤਿੰਨ ਰੋਜ਼ਾ ਧਾਰਮਕ ਮੁਕਾਬਲਿਆਂ ਵਿੱਚ ਝੰਡੀ ਰਹੀ। ਅਕੈਡਮੀ ਦੀ ਪ੍ਰਿੰਸੀਪਲ ਸੀਮਾ ਗਰੋਵਰ ਨੇ ਦੱਸਿਆ ਕਿ ਧਾਰਮਿਕ ਮੁਕਾਬਲੇ ਟਰੱਸਟ ਦੇ ਸੰਸਥਾਪਕ ਸੰਤ ਤੇਜਾ ਸਿੰਘ ਦੀ ਯਾਦ ਵਿਚ ਕਰਵਾਏ ਗਏ ਸਨ। ਇਨ੍ਹਾਂ ਮੁਕਾਬਲਿਆਂ ਵਿਚ ਟਰੱਸਟ ਅਧੀਨ ਆਉਂਦੀਆਂ ਅਕਾਲ ਅਕੈਡਮੀਆਂ ਦੇ ਬੱਚਿਆਂ ਨੇ ਭਾਗ ਲਿਆ। ਅਕਾਲ ਅਕੈਡਮੀ ਕਾਲੇਕੇ ਦੀ ਵਿਦਿਆਰਥਣ ਜਗਵੀਰ ਕੌਰ, ਜਸ਼ਨਪ੍ਰੀਤ ਕੌਰ, ਤਨਵੀਰ ਕੌਰ, ਸੁਖਵੀਰ ਕੌਰ, ਹਰਸਿਮਰਨ ਕੌਰ ਅਤੇ ਪ੍ਰਭਜੋਤ ਸਿੰਘ ਨੇ ਸ਼ਬਦ ਗਾਇਨ ਮੁਕਾਬਲਿਆਂ ਵਿਚ ਸੂਬਾ ਪੱਧਰ ’ਤੇ ਮੋਹਰੀ ਸਥਾਨ ਹਾਸਲ ਕੀਤੇ। ਅਕੈਡਮੀ ਵੱਲੋਂ ਹੋਣਹਾਰ ਵਿਦਿਆਰਥੀਆਂ ਦਾ ਸਨਮਾਨ ਕੀਤਾ ਗਿਆ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
