ਪੱਤਰ ਪ੍ਰੇਰਕ
ਗਿੱਦੜਬਾਹਾ, 25 ਜੁਲਾਈ
ਕੋਟਭਾਈ ਪੁਲੀਸ ਨੇ ਇੱਕ ਔਰਤ ਸਣੇ ਚਾਰ ਮੁਲਜ਼ਮਾਂ ਨੂੰ ਪੌਣੇ ਦੋ ਕਿਲੋ ਅਫ਼ੀਮ ਤੇ ਪੌਣੇ ਦੋ ਲੱਖ ਰੁਪਏ ਦੀ ਡਰੱਗ ਮਨੀ ਸਣੇ ਕਾਬੂ ਕੀਤਾ ਹੈ। ਥਾਣਾ ਕੋਟਭਾਈ ਪੁਲੀਸ ਨੇ ਪਿੰਡ ਭੁੱਲਰ ਕੋਲ ਰਜਬਾਹੇ ਦੀ ਪਟੜੀ ’ਤੇ ਇੱਕ ਕਰੋਲਾ ਗੱਡੀ ਦੇਖੀ। ਜਿਸ ਕੋਲ ਚਾਰ ਲੋਕ ਖੜ੍ਹੇ ਸੀ। ਉਹ ਪੁਲੀਸ ਨੂੰ ਦੇਖ ਕੇ ਭੱਜਣ ਲੱਗੇ ਪਰ ਪੁਲੀਸ ਨੇ ਮੌਕੇ ’ਤੇ ਹੀ ਉਨ੍ਹਾਂ ਨੂੰ ਕਾਬੂ ਕਰ ਲਿਆ। ਮੁਲਜ਼ਮਾਂ ਦੀ ਪਛਾਣ ਦਿਨੇਸ਼ ਕੁਮਾਰ ਵਾਸੀ ਰਾਏਪੁਰ ਜੰਗੀਰ ਥਾਣਾ ਅਜੀਤਗੜ੍ਹ ਤਹਿਸੀਲ ਮਾਧਵਪੁਰ ਜ਼ਿਲ੍ਹਾ ਸੀਕਰ (ਰਾਜਸਥਾਨ), ਰਾਜੇਸ਼ ਕੁਮਾਰ ਵਾਸੀ ਖਟੜ ਥਾਣਾ ਅਜੀਤਗੜ੍ਹ ਤਹਿਸੀਲ ਮਾਧਵਪੁਰ ਜ਼ਿਲ੍ਹਾ ਸੀਕਰ (ਰਾਜਸਥਾਨ), ਸ਼ਮਿੰਦਰ ਸਿੰਘ ਤੇ ਇੱਕ ਔਰਤ ਵੀਰਪਾਲ ਕੌਰ ਵਾਸੀ ਥਾਂਦੇਵਾਲਾ ਸ੍ਰੀ ਮੁਕਤਸਰ ਸਾਹਿਬ ਵਜੋਂ ਹੋਈ ਹੈ।
