ਪੱਤਰ ਪ੍ਰੇਰਕ
ਤਲਵੰਡੀ ਸਾਬੋ, 15 ਸਤੰਬਰ
ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਦੇ ਖੇਤਰ ਤਲਵੰਡੀ ਸਾਬੋ ਵੱਲੋਂ ਨੈਤਿਕ ਸਿੱਖਿਆ ਪ੍ਰੀਖਿਆ ਦਾ ਨਤੀਜਾ ਐਲਾਨਿਆ ਗਿਆ। ਇਸ ਵਿੱਚ ਜੂਨੀਅਰ ਗਰੁੱਪ ’ਚੋਂ ਹਰਜੋਤ ਕੌਰ ਤੇ ਸੀਨੀਅਰ ’ਚੋਂ ਮਨਰਿੰਦਰ ਕੌਰ ਅੱਵਲ ਰਹੀਆਂ ਹਨ। ਪ੍ਰੋ. ਗੁਰਜੀਤ ਸਿੰਘ ਨੇ ਦੱਸਿਆ ਕਿ ਇਸ ਪ੍ਰੀਖਿਆ ਦਾ ਨਤੀਜਾ ਅੱਜ ਸਮੂਹ ਮੈਂਬਰਾਂ ਦੀ ਹਾਜ਼ਰੀ ਵਿੱਚ ਖੇਤਰ ਸਕੱਤਰ ਇੰਸਪੈਕਟਰ ਸਮਸ਼ੇਰ ਸਿੰਘ ਵੱਲੋਂ ਜਾਰੀ ਕੀਤਾ ਗਿਆ। ਐਲਾਨੇ ਗਏ ਨਤੀਜੇ ਅਨੁਸਾਰ ਦਰਜਾ ਦੂਜਾ (6ਵੀਂ ਤੋਂ 8ਵੀਂ) ਵਿੱਚ ਹਰਜੋਤ ਕੌਰ ਮਾਸਟਰ ਮਾਈਂਡ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਬੰਘੀ ਰੁਘੂ ਨੇ ਪਹਿਲਾ, ਬ੍ਰਹਮਜੀਤ ਸਿੰਘ ਅਕਾਲ ਅਕੈਡਮੀ ਦਮਦਮਾ ਸਾਹਿਬ ਨੇ ਦੂਸਰਾ ਅਤੇ ਸਿਮਰਨਪ੍ਰੀਤ ਕੌਰ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੀਆਂ) ਤਲਵੰਡੀ ਸਾਬੋ ਤੇ ਜਸਮੀਨ ਕੌਰ ਗੁਰੂ ਹਰਿਗੋਬਿੰਦ ਸਕੂਲ ਜੌੜਕੀਆਂ ਦੋਵਾਂ ਨੇ ਤੀਸਰਾ ਸਥਾਨ ਹਾਸਲ ਕੀਤਾ। ਇਸੇ ਤਰ੍ਹਾਂ ਦਰਜਾ ਤੀਜਾ (9ਵੀਂ ਤੋਂ 12ਵੀਂ ) ਦੇ ਨਤੀਜਿਆਂ ਅਨੁਸਾਰ ਮਨਰਿੰਦਰ ਕੌਰ ਅਕਾਲ ਅਕੈਡਮੀ ਸਕੂਲ ਜਗਾ ਰਾਮ ਤੀਰਥ ਪਹਿਲੇ, ਅਰਸ਼ਦੀਪ ਕੌਰ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਕਲਾਲਵਾਲਾ ਦੂਜੇ ਅਤੇ ਸੁਨੀਤਾ ਗੁਰੂ ਹਰਿਗੋਬਿੰਦ ਸਕੂਲ ਜੌੜਕੀਆਂ ਤੀਜੇ ਸਥਾਨ ’ਤੇ ਰਹੇ।
