ਪੱਤਰ ਪ੍ਰੇਰਕ
ਭੁੱਚੋ ਮੰਡੀ, 26 ਸਤੰਬਰ
ਪਿੰਡ ਤੁੰਗਵਾਲੀ ਦੇ ਜੰਮਪਲ ਲੇਖਕ ਜਗਸੀਰ ਸਿੰਘ ਵਾਲੀਆ ਦੀ ਲਿਖੀ ਕਿਤਾਬ ‘ਪਿੰਡ ਤੁੰਗਵਾਲੀ ਦਾ ਇਤਿਹਾਸ’ ਅੱਜ ਗੁਰਦੁਆਰਾ ਅਟਾਰੀ ਸਾਹਿਬ ਵਿੱਚ ਪਿੰਡ ਦੀਆਂ ਮਾਨਮੱਤੀਆਂ ਸ਼ਖ਼ਸੀਅਤਾਂ ਵੱਲੋਂ ਰਿਲੀਜ਼ ਕੀਤੀ ਗਈ। ਇਸ ਦੀ ਘੁੰਡ ਚੁਕਾਈ ਭਾਜਪਾ ਸੂਬਾਈ ਸਕੱਤਰ ਦਿਆਲ ਸੋਢੀ, ਮੇਅਰ ਰਮਨ ਗੋਇਲ, ਸੰਦੀਪ ਗੋਇਲ, ਆਪ ਦੀ ਸੂਬਾਈ ਪ੍ਰਧਾਨ ਬਲਜਿੰਦਰ ਕੌਰ ਮਾਹਲ ਅਤੇ ਸੇਵਾਮੁਕਤ ਐਕਸੀਅਨ ਹੇਮ ਰਾਜ ਸਿੰਗਲਾ ਨੇ ਕੀਤੀ। ਉਨ੍ਹਾਂ ਜਗਸੀਰ ਸਿੰਘ ਵਾਲੀਆ ਦੇ ਇਸ ਉੱਦਮ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਲੇਖਕ ਜਗਸੀਰ ਸਿੰਘ ਵਾਲੀਆ ਵੱਲੋਂ ਉੱਚ ਅਹੁਦਿਆਂ ’ਤੇ ਬੈਠ ਕੇ ਪਿੰਡ ਦਾ ਮਾਣ ਵਧਾ ਰਹੀਆਂ ਸ਼ਖ਼ਸੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਨ੍ਹਾਂ ਵਿੱਚ ਐਸਡੀਐਮ ਪੁਨੀਤ ਸ਼ਰਮਾ, ਡਾ. ਸ਼ਵੀ ਗੋਇਲ, ਡਾ: ਚੰਦਨਵੀਰ ਜੌੜਾ, ਡਾ. ਪਰਮਵੀਰ ਜੌੜਾ, ਸਾਬਕਾ ਵਿਧਾਇਕ ਗੁਰਾ ਸਿੰਘ ਤੁੰਗਵਾਲੀ, ਸੈਨਾ ਅਧਿਕਾਰੀ ਇੰਦਰਪਾਲ ਵਾਲੀਆ, ਐਕਸੀਅਨ ਸੱਤਪਾਲ ਸਿੰਘ ਅਤੇ ਐੱਸਡੀਓ ਜਗਸੀਰ ਸਿੰਘ ਸਮੇਤ ਸੈਂਕੜੇ ਸਖ਼ਸੀਅਤਾਂ ਸ਼ਾਮਲ ਸਨ। ਇਸ ਮੌਕੇ ਸਰਪੰਚ ਵਕੀਲ ਸਿੰਘ, ਸਰਪੰਚ ਵੀਰਪਾਲ ਮਾਲ, ਸੁਖਵਿੰਦਰ ਮਾਨ, ਰਮਨ ਮਾਨ, ਲਵਵਿੰਦਰ ਪੋਪੀ ਅਤੇ ਹਰਦੇਵ ਸਿੰਘ ਨੇ ਸਹਿਯੋਗ ਦਿੱਤਾ।
