ਮਹਿਲ ਕਲਾਂ:
ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਗਹਿਲ ਦੇ ਫੁਟਬਾਲ ਦੇ ਸੂਬਾ ਪੱਧਰੀ ਮੁਕਾਬਲਿਆਂ ਲਈ ਚੁਣੇ ਗਏ ਬੱਚਿਆਂ ਨੂੰ ਐੱਨਆਰਆਈ ਬਿੰਦਰ ਸਿੰਘ ਮਾਨ ਕੈਨੇਡੀਅਨ ਪੁੱਤਰ ਸਰਪੰਚ ਬਲਵੀਰ ਸਿੰਘ ਮਾਨ ਵੱਲੋਂ ਖੇਡ ਕਿੱਟਾਂ ਦਾਨ ਕੀਤੀਆਂ ਗਈਆਂ। ਉਨ੍ਹਾਂ ਬੱਚਿਆਂ ਨੂੰ ਸਟੱਡਾਂ, ਜੁਰਾਬਾਂ ਅਤੇ ਸਿੰਨ੍ਹ ਆਦਿ ਸਮਾਨ ਦੀ ਖੇਡ ਕਿੱਟ ਦਿੱਤੀ। ਇਸੇ ਤਰ੍ਹਾਂ ਸਟੇਟ ਮੁਕਾਬਲਿਆਂ ਵਿੱਚ 100 ਮੀਟਰ ਰੇਸ, ਲੌਂਗ ਜੰਪ, ਰਿਲੇਅ ਰੇਸ ਵਿੱਚ ਜ਼ਿਲ੍ਹਾ ਜੇਤੂ ਬੱਚੀ ਮਰੀਅਮ ਟੋਪੋ ਨੂੰ ਵੀ ਟਰੈਕ ਸੂਟ, ਬੂਟਾ ਐੱਨਆਰਆਈ ਵੱਲੋਂ ਦਿੱਤਾ ਗਿਆ। ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਚੇਅਰਮੈਨ ਬੇਅੰਤ ਸਿੰਘ ਵੱਲੋਂ ਐੱਨਆਰਆਈ ਦਾ ਧੰਨਵਾਦ ਕੀਤਾ ਗਿਆ। -ਨਿੱਜੀ ਪੱਤਰ ਪ੍ਰੇਰਕ
