ਲਖਵਿੰਦਰ ਸਿੰਘ
ਮਲੋਟ, 24 ਜੁਲਾਈ
ਇਥੇ ਪਿੰਡ ਕੁੰਡਲ ਅਤੇ ਗੋਬਿੰਦਗੜ੍ਹ ਵਾਲੀ ਸੜਕ ’ਤੇ ਸ੍ਰੀ ਮੁਕਤਸਰ ਸਾਹਿਬ ਤੋਂ ਅਬੋਹਰ ਜਾਂ ਰਹੀ ਰਾਜ ਕੰਪਨੀ ਦੀ ਬੱਸ ਪੀਬੀ02 ਸੀਆਰ 5680 ਦਰੱਖਤ ਨਾਲ ਟਕਰਾ ਗਈ ਅਤੇ ਮੋਗਾ ਜ਼ਿਲ੍ਹੇ ਦੇ ਪਿੰਡ ਦੌਲਤਪੁਰਾ ਤੋਂ ਆ ਰਹੀ ਸਕਾਰਪੀਓ ਪੀਬੀ29ਕੇ 7783 ਬੱਸ ਦੇ ਪਿੱਛੇ ਜਾ ਟਕਰਾਈ। ਇਸ ਹਾਦਸੇ ਦੌਰਾਨ ਨੇੜਲੇ ਪਿੰਡ ਮੋਹਲਾਂ ਦੇ ਵਸਨੀਕ ਨੌਜਵਾਨ ਹਰਮਨਦੀਪ ਸਿੰਘ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਬਾਕੀ ਜ਼ਖਮੀਆਂ ਨੂੰ ਇਲਾਜ ਲਈ ਅਬੋਹਰ ਦਾਖਲ ਕਰਵਾਇਆ ਗਿਆ। ਕਈਆਂ ਦੇ ਗੰਭੀਰ ਸੱਟਾਂ ਵੀ ਲੱਗੀਆਂ। ਮੌਕੇ ਤੋਂ ਬੱਸ ਦਾ ਕੰਡਕਟਰ ਫਰਾਰ ਹੋ ਗਿਆ, ਜਿਸ ਨੂੰ ਲੋਕਾਂ ਨੇ ਨਾਲ ਦੇ ਪਿੰਡ ਤੋਂ ਕਾਬੂ ਕਰਕੇ ਘਟਨਾ ਸਥਾਨ ‘ਤੇ ਲਿਆਂਦਾ।
