ਗਿੱਦੜਬਾਹਾ: ‘ਬੇਟੀ ਬਚਾਓ ਬੇਟੀ ਪੜ੍ਹਾਓ’ ਅਧੀਨ ਐਫ-2 ਫਿਟਨੈੱਸ ਅਤੇ ਡਾਂਸ ਅਕੈਡਮੀ ਵਲੋਂ ਇੰਡੀਅਨ ਫੋਕ ਡਾਂਸ ਅਕੈਡਮੀ ਮਲੋਟ ਦੇ ਸਹਿਯੋਗ ਨਾਲ ਮਿਸ ਅਤੇ ਮਿਸਿਜ਼ ਪੰਜਾਬਣ-2021 ਦੇ ਅਡੀਸ਼ਨ ਕਰਵਾਏ ਗਏ। ਇਸ ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਬਿੰਟਾ ਅਰੋੜਾ ਪ੍ਰਧਾਨ ਨਗਰ ਕੌਂਸਲ ਗਿੱਦੜਬਾਹਾ ਸਨ। ਇਸ ਮੌਕੇ ਐੱਫ-2 ਫਿਟਨੈੱਸ ਦੇ ਭੰਗੜਾ ਅਤੇ ਗਿੱਧਾ ਕੋਚ ਨਿਰਮਲ ਸਿੰਘ ਨੇ ਕਿਹਾ ਕਿ ਇਸ ਪ੍ਰੋਗਰਾਮ ਵਿਚ ਗਿੱਦੜਬਾਹਾ ਅਤੇ ਆਸ ਪਾਸ ਤੋਂ ਵਡੀ ਗਿਣਤੀ ਲੜਕੀਆਂ ਨੇ ਭਾਗ ਲਿਆ। ਇੰਡੀਅਨ ਫੋਕ ਡਾਂਸ ਅਕੈਡਮੀ ਮਲੋਟ ਦੇ ਮੁਖੀ ਸੁਸ਼ੀਲ ਖੁੱਲਰ ਨੇ ਕਿਹਾ ਕੇ ਇਸ ਪ੍ਰਤੀਯੋਗਤਾ ਦਾ ਫਾਈਨਲ ਮੁਕਾਬਲਾ ਅਕਤੂਬਰ ਮਹੀਨੇ ਵਿਚ ਮਲੋਟ ਵਿੱਚ ਰੱਖਿਆ ਗਿਆ ਹੈ। ਇੰਨਰਵ੍ਹੀਲ ਕਲੱਬ ਦੀ ਪ੍ਰਧਾਨ ਵਰੂਨਾ ਗਰਗ, ਲੈਕਚਰਾਰ ਸੁਮਨ ਬੇਦੀ, ਇੰਟਰਨੈਸ਼ਨਲ ਭੰਗੜਾ ਅਤੇ ਗਿੱਧਾ ਕੋਚ ਸੁਸ਼ੀਲ ਖੁੱਲਰ, ਰਾਜਪਾਲ ਟਾਂਕ ਅਤੇ ਸੁਖਦਰਸ਼ਨ ਸਿੰਘ ਨੇ ਜੱਜਮੈਂਟ ਦੀ ਡਿਊਟੀ ਨਿਭਾਈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
