ਮਹਿੰਦਰ ਸਿੰਘ ਰੱਤੀਆਂ
ਮੋਗਾ, 6 ਸਤੰਬਰ
ਇਥੇ ਐਟੀਨਾਰਕੋਟਿਕ ਡਰੱਗ ਸੈੱਲ ਨੇ ਅੰਤਰਰਾਜੀ ਭਗੌੜੇ ਤਸਕਰ ਨੂੰ ਕਾਬੂ ਕੀਤਾ ਹੈ। ਮੁਲਜਮ ਖ਼ਿਲਾਫ਼ ਪੰਜਾਬ, ਰਾਜਸਥਾਨ, ਜੇਐਂਡਕੇ ਅਤੇ ਹਰਿਆਣਾ ’ਚ ਫ਼ਿਰੌਤੀ ਤੇ ਅਗਵਾ ਦੇ 32 ਕੇਸ ਦਰਜ ਹਨ। ਮੁਲਜ਼ਮ ਦੀ ਪਛਾਣ ਆਸ਼ੂ ਗੁਪਤਾ ਵਾਸੀ ਕਰਤਾਰ ਨਗਰ ਸ਼ਾਹਕੋਟ ਹਾਲ ਅਬਾਦ
ਗੋਲਡਨ ਸਿਟੀ ਕਲੋਨੀ ਮਹਿਮੂਦਪੁਰਾ, ਲੁਧਿਆਣਾ ਵਜੋਂ ਹੋਈ ਹੈ। ਮੁਲਜਮ ਧਰਮਕੋਟ,(ਮੋਗਾ) ਭੋਗਪੁਰ (ਜਲੰਧਰ) ਅਤੇ ਸ੍ਰੀਨਗਰ (ਜੇਐਂਡਕੇ)ਵਿਖੇ ਐੱਨਡੀਪੀਐਸ ਐਕਟ ਤਹਿਤ ਦਰਜ ਕੇਸਾਂ ਵਿੱਚ ਕਾਫ਼ੀ ਅਰਸੇ ਤੋਂ ਭਗੌੜਾ ਚਲਿਆ ਆ ਰਿਹਾ ਸੀ। ਸ੍ਰੀ ਢੇਸੀ ਨੇ ਦੱਸਿਆ ਕਿ ਸ਼ਰਾਬ ਤਸਕਰੀ ਕੇਸ ’ਚ ਭਗੌੜਾ ਕਰਾਰ ਦਿੱਤੀ ਔਰਤ ਅੰਜੂ ਉਰਫ਼ ਅਰਸ਼ਦੀਪ ਕੌਰ ਅਤੇ ਰਣਜੀਤ ਸਿੰਘ ਵਾਸੀ ਮੋਗਾ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
