ਮਲੋਟ: ਇਥੋਂ ਦੀ ਵਸਨੀਕ 11 ਸਾਲਾ ਲੜਕੀ ਨਜ਼ਮ ਖੁਰਾਣਾ ਨੇ ਬਠਿੰਡਾ ਅਤੇ ਮਲੋਟ ਵਿੱਚ ਹੋਈ ‘ਮਿਸ ਪੰਜਾਬਣ 2021’ ਦੇ ਰਾਜ ਪੱਧਰੀ ਖ਼ਿਤਾਬ ਜਿੱਤੇ ਹਨ। ਇਨ੍ਹਾਂ ਮੁਕਾਬਲਿਆਂ ਵਿੱਚ 25 ਸ਼ਹਿਰਾਂ ਤੋਂ 140 ਦੇ ਕਰੀਬ ਲੜਕੀਆਂ ਨੇ ਭਾਗ ਲਿਆ ਸੀ। ਨਜ਼ਮ ਦੇ ਪਿਤਾ ਵਿਨੋਦ ਖੁਰਾਣਾ ਨੇ ਦੱਸਿਆ ਕਿ ਉਨ੍ਹਾਂ ਆਪਣੀ ਬੇਟੀ ਨਜ਼ਮ ਨੂੰ ਸਖਤ ਮਿਹਨਤ ਕਰਵਾ ਕੇ ਇਨ੍ਹਾਂ ਮੁਕਾਬਲਿਆਂ ਵਿੱਚ ਭਾਗ ਦਿਵਾਇਆ ਸੀ, ਨਤੀਜਾ ਇਹ ਹੋਇਆ ਕਿ ਉਨ੍ਹਾਂ ਉਕਤ ਦੋ ਥਾਵਾਂ ‘ਤੇ ਹੋਏ ਸੀਨੀਅਰ ਅਤੇ ਜੂਨੀਅਰ ਵਰਗ ਦੇ ਮੁਕਾਬਲਿਆਂ ‘ਚ ਨਜ਼ਮ ਹਰ ਰਾਊਂਡ ਵਿਚ ਪਹਿਲੇ ਸਥਾਨ ‘ਤੇ ਆਉਂਦੀ ਰਹੀ ਅਤੇ ਜੇਤੂ ਬਣੀ। ਉਨ੍ਹਾਂ ਡਾਂਸ ਗੁਰੂ ਸੁਸ਼ੀਲ ਕੁਮਾਰ, ਸਾਇਨ ਡਾਂਸ ਅਕੈਡਮੀ, ਰਿਚ ਸਭਿਆਚਾਰ ਵੈੱਲਫੇਅਰ ਸੁਸਾਇਟੀ ਬਠਿੰਡਾ ਅਤੇ ਅੰਤਰ ਰਾਸ਼ਟਰੀ ਲੋਕ ਨਾਚ ਅਕੈਡਮੀ ਦਾ ਧੰਨਵਾਦ ਕੀਤਾ।
-ਨਿੱਜੀ ਪੱਤਰ ਪ੍ਰੇਰਕ
