ਪੱਤਰ ਪ੍ਰੇਰਕ
ਗਿੱਦੜਬਾਹਾ, 18 ਜਨਵਰੀ
ਇਥੇ ਸਰਕੂਲਰ ਰੋਡ ਸਥਿਤ ਸ਼ਾਮ ਇਲੈਕਟ੍ਰਿਕ ਵਰਕਸ ਦੀ ਦੁਕਾਨ ਦਾ ਸ਼ਟਰ ਤੋੜ ਕੇ ਚੋਰ ਤਾਂਬੇ ਦੀਆਂ ਤਾਰਾਂ ਦਾ ਸਕਰੈਪ ਚੋਰੀ ਕਰਕੇ ਲੈ ਗਏ। ਦੁਕਾਨ ਦੇ ਮਾਲਕ ਸ਼ਾਮ ਲਾਲ ਜਨਰੇਟਰਾਂ ਵਾਲੇ ਨੇ ਦੱਸਿਆ ਕਿ ਉਹ ਬੀਤੇ ਸੋਮਵਾਰ ਰਾਤ ਆਪਣੀ ਦੁਕਾਨ ਬੰਦ ਕਰ ਕੇ ਗਏ ਸੀ ਅਤੇ ਜਦ ਅੱਜ ਸਵੇਰੇ ਕਰੀਬ 7.30 ਵਜੇ ਦੁਕਾਨ ’ਤੇ ਗਏ ਤਾਂ ਦੁਕਾਨ ਦਾ ਇੱਕ ਸ਼ਟਰ ਟੁੱਟਿਆ ਹੋਇਆ ਸੀ ਜਿਸ ਦੀ ਸੂਚਨਾ ਥਾਣਾ ਗਿੱਦੜਬਾਹਾ ਪੁਲੀਸ ਨੂੰ ਦੇ ਦਿੱਤੀ ਹੈ। ਉਨ੍ਹਾਂ ਦੱਸਿਆ ਕਿ ਦੁਕਾਨ ਵਿੱਚੋਂ ਰੀਪੇਅਰ ਕੀਤੀਆਂ ਮੋਟਰਾਂ ’ਚੋਂ ਨਿਕਲੇ ਤਾਂਬੇ ਦੀਆਂ ਤਾਰਾਂ ਦੇ ਸਕਰੈਪ ਨਾਲ ਭਰੇ ਗੱਟੇ ਦੁਕਾਨ ਵਿੱਚੋਂ ਗਾਇਬ ਸਨ, ਜਿਸ ਦੀ ਕੁੱਲ ਕੀਮਤ ਕਰੀਬ ਡੇਢ ਲੱਖ ਰੁਪਏ ਬਣਦੀ ਹੈ।
