ਨਿਹਾਲ ਸਿੰਘ ਵਾਲਾ: ਬਲਾਕ ਪੱਧਰੀ ਵਿੱਦਿਅਕ ਮੁਕਾਬਲੇ ਬੀਪੀਈਓ ਨਿਹਾਲ ਸਿੰਘ ਵਾਲਾ ਸ੍ਰੀ ਦੇਵੀ ਪ੍ਰਸਾਦ ਦੀ ਰਹਿਨੁਮਾਈ ਹੇਠ ਸਰਕਾਰੀ ਪ੍ਰਾਇਮਰੀ ਸਕੂਲ ਬਿਲਾਸਪੁਰ ਵਿੱਚ ਕਰਵਾਏ ਗਏ। ਮਰਹੂਮ ਗੁਰਮੇਲ ਸਿੰਘ ਦਿਉਲ ਦੀ ਯਾਦ ਨੂੰ ਸਮਰਪਿਤ ਮੁਕਾਬਲੇ ਸਾਹਿਤਕਾਰ ਤਰਨਦੀਪ ਸਿੰਘ ਦਿਉਲ ਨਿਊਜ਼ੀਲੈਂਡ ਦੇ ਸਹਿਯੋਗ ਨਾਲ ਸੰਪੰਨ ਹੋਏ। ਆਮ ਗਿਆਨ ਮੁਕਾਬਲੇ ਵਿੱਚ ਪ੍ਰਭਦੀਪ ਸਿੰਘ ਨੇ ਪਹਿਲਾ, ਭਾਸ਼ਣ ਵਿੱਚ ਪਰਨੀਤ ਕੌਰ ਧਾਲੀਵਾਲ, ਬੋਲ ਲਿਖਤ ਵਿੱਚ ਅਰਸ਼ਦੀਪ ਕੌਰ , ਸੁੰਦਰ ਲਿਖਾਈ ਵਿੱਚ ਸੁਨੀਤਾ ਕੌਰ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਪੜ੍ਹਨ ਮੁਕਾਬਲੇ ਵਿੱਚ ਸਿਮਰਨਜੀਤ ਕੌਰ, ਚਿੱਤਰਕਲਾ ਵਿੱਚ ਚੰਨਪ੍ਰੀਤ ਸਿੰਘ, ਕਹਾਣੀ ਸੁਣਾਉਣ ਵਿੱਚ ਰੀਨਾ ਕੌਰ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਅਧਿਆਪਕਾਂ ਦੇ ਸੁੰਦਰ ਲਿਖਾਈ ਦੇ ਮੁਕਾਬਲੇ ਵਿੱਚ ਰਮਨਜੀਤ ਕੌਰ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। – ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
