ਨਿੱਜੀ ਪੱਤਰ ਪ੍ਰੇਰਕ
ਭਾਈ ਰੂਪਾ, 6 ਨਵੰਬਰ
ਸਿੱਧ ਬਾਬਾ ਗੰਗਾ ਰਾਮ ਜੀ ਖੇਡ ਕਲੱਬ ਸੰਧੂ ਖੁਰਦ ਵੱਲੋਂ ਬਾਬਾ ਗੰਗਾ ਰਾਮ ਜੀ ਦੀ ਯਾਦ ਵਿੱਚ ਕਰਵਾਏ ਜਾ ਰਹੇ ਤਿੰਨ ਰੋਜ਼ਾ 22ਵੇਂ ਕਬੱਡੀ ਟੂਰਨਾਮੈਂਟ ਦਾ ਰੰਗਦਾਰ ਪੋਸਟਰ ਕਲੱਬ ਮੈਂਬਰਾਂ ਵੱਲੋਂ ਜਾਰੀ ਕੀਤਾ ਗਿਆ। ਕਲੱਬ ਦੇ ਪ੍ਰਧਾਨ ਪਰਵਿੰਦਰ ਸਿੰਘ ਸੂਚ, ਮੀਤ ਪ੍ਰਧਾਨ ਲਾਡੀ ਸੰਧੂ, ਸੀਨੀਅਰ ਮੀਤ ਪ੍ਰਧਾਨ ਸਨੀ ਸੰਧੂ, ਚੇਅਰਮੈਨ ਗੁਰਪ੍ਰੀਤ ਸਿੰਘ ਗੁਰਸੀ ਤੇ ਸਤਨਾਮ ਸਿੰਘ ਸੰਧੂ ਨੇ ਦੱਸਿਆ ਕਿ 10 ਤੋਂ 12 ਨਵੰਬਰ ਤੱਕ ਕਰਵਾਏ ਜਾ ਰਹੇ ਇਸ ਟੂਰਨਾਮੈਂਟ ਦੌਰਾਨ ਕਬੱਡੀ 35 ਕਿਲੋਗ੍ਰਾਮ, 45 ਕਿਲੋਗ੍ਰਾਮ, 55 ਕਿਲੋਗ੍ਰਾਮ, ਕਬੱਡੀ ਓਪਨ (ਨਿਰੋਲ ਪਿੰਡ), ਕਬੱਡੀ 70 ਕਿਲੋਗ੍ਰਾਮ (1 ਬਾਹਰੋਂ) ਤੇ ਓਪਨ (3 ਬਾਹਰੋਂ) ਦੇ ਮੁਕਾਬਲੇ ਕਰਵਾਏ ਜਾਣਗੇ। ਇਸ ਤੋਂ ਇਲਾਵਾ 12 ਕਿਲੋਮੀਟਰ ਦੌੜ 10 ਨਵੰਬਰ ਨੂੰ ਸਵੇਰੇ 6 ਵਜੇ ਕਰਵਾਈ ਜਾਵੇਗੀ। ਇਸ ਮੌਕੇ ਹਰਪ੍ਰੀਤ ਸੂਚ, ਮਨਮਿੰਦਰ ਸੂਚ, ਜਸਵਿੰਦਰ ਢਿੱਲੋਂ, ਬੱਬੂ ਸੰਘੇੜਾ, ਸਟੀਵਨ, ਵਜੀਰ ਖਾਂ, ਲਖਵੀਰ ਗੋਰਾ, ਰਛਵਿੰਦਰ ਸਿੰਘ, ਵਰਿੰਦਰ ਸੰਧੂ, ਗੁਰਿੰਦਰਪਾਲ ਸੰਧੂ, ਅਰਪਨ ਸੂਚ, ਗੁਰਦਿੱਤ ਸਿੰਘ, ਬੱਬੂ ਸੂਚ, ਮਿੱਠੀ ਸੰਘੇੜਾ ਤੇ ਗੁਰਜੀਤ ਸੰਧੂ ਹਾਜ਼ਰ ਸਨ।
