ਪੱਤਰ ਪ੍ਰੇਰਕ
ਚਾਉਕੇ, 17 ਅਗਸਤ
ਫਤਿਹ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਰਾਮਪੁਰਾ ਵੱਲੋਂ ਤਿੰਨ ਰੋਜ਼ਾ ਸਾਵਣ ਮੇਲਾ ਕਰਵਾਇਆ ਗਿਆ। ਇਸ ਸਬੰਧੀ ਸਮਾਗਮ ਦੀ ਸ਼ੁਰੂਆਤ ਸੰਸਥਾ ਦੇ ਚੇਅਰਮੈਨ ਐਸ.ਐਸ ਚੱਠਾ, ਪ੍ਰਿੰਸੀਪਲ ਡਾ. ਅਮਰਜੀਤ ਸਿੰਘ ਸਿੱਧੂ, ਐੱਮਡੀ ਮਨਜੀਤ ਕੌਰ ਚੱਠਾ, ਸਹਾਇਕ ਡਾਇਰੈਕਟਰ (ਪ੍ਰਬੰਧਕੀ) ਹਰਪ੍ਰੀਤ ਸ਼ਰਮਾ, ਰਜਿੰਦਰ ਤ੍ਰਿਪਾਠੀ ਸਮੇਤ ਸਟਾਫ਼ ਨੇ ਸ਼ਮ੍ਹਾਂ ਰੌਸ਼ਨ ਕਰਕੇ ਕੀਤੀ। ਸਮਾਗਮ ਦੌਰਾਨ ਵਿਸ਼ੇਸ਼ ਮਹਿਮਾਨ ਤੌਰ ’ਤੇ ਸੀਰਾ ਸਿੱਧੂ ਮੱਲੂਆਣਾ ਤੇ ਅਭਿਸ਼ੇਕ ਸ਼ਰਮਾ ਕੈਨੇਡਾ ਨੇ ਹਾਜ਼ਰੀ ਲਗਵਾਈ। ਇਸ ਮੌਕੇ ਐੱਸਐੱਸ ਚੱਠਾ ਨੇ ਕਾਲਜ ਦੀਆਂ ਪ੍ਰਾਪਤੀਆਂ ਬਾਰੇ ਚਾਨਣਾ ਪਾਇਆ। ਸਮਾਗਮ ਵਿਚ ਸੂਬੇ ਦੇ ਪ੍ਰਸਿੱਧ ਸੂਫ਼ੀ ਗਾਇਕ ਰਹਿਮਤ, ਰਮਜ਼ਾਨ ਅਲ, ਗਾਇਕ ਪੈਰੀ ਸਿੱਧੂ ਤੇ ਬੌਬੀ ਸਿੱਧੂ ਨੇ ਸੁਰਾਂ ਦੇ ਐਸੇ ਤਾਰ ਛੇੜੇ ਕਿ ਪੰਡਾਲ ਝੂਮਣ ਲੱਗ ਪਿਆ। ਪ੍ਰੋਗਰਾਮ ਕੋਆਰਡੀਨੇਟਰ ਸੰਦੀਪ ਕੌਰ, ਚਰਨਜੀਤ ਕੌਰ, ਰਮਨਦੀਪ ਕੌਰ ਨੇ ਦੱਸਿਆ ਕਿ ਲੰਮੀ ਪੀਘ ’ਚੋਂ ਰਮਨਦੀਪ, ਸੁਖਪਾਲ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਗਰੁੱਪ ਡਾਂਸ ਵਿਚ ਬਾਰ੍ਹਵੀਂ ਦੀ ਆਰਟਸ ਦੀ ਟੀਮ ਨੇ ਪਹਿਲਾ, ਬੋਲੀਆਂ ਵਿਚ ਟੀਮ ਬੀ ਨੇ ਪਹਿਲਾ, ਲੰਮੀ ਹੇਕ ਵਾਲੇ ਗੀਤ ਵਿਚ ਪ੍ਰੋਫੈਸ਼ਨਲ ਕਾਲਜ ਨੇ ਪਹਿਲਾ ਸਥਾਨ ਹਾਸਲ ਕੀਤਾ।
