ਪੱਤਰ ਪ੍ਰੇਰਕ
ਮਾਨਸਾ, 21 ਅਗਸਤ
ਪੁਲੀਸ ਨੇ ਵੱਖ-ਵੱਖ ਮਾਮਲਿਆਂ ਵਿੱਚ ਨਸ਼ੀਲੇ ਪਦਾਰਥਾਂ ਸਣੇ ਸੱਤ ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਐੱਸਐੇੱਸਪੀ ਗੌਰਵ ਤੂਰਾ ਨੇ ਦੱਸਿਆ ਕਿ ਪੁਲੀਸ ਨੇ ਹਰਪਰੀਤ ਸਿੰਘ ਵਾਸੀ ਜੀਂਦਾ (ਬਠਿੰਡਾ) ਕੋਲੋ 110 ਨਸ਼ੀਲੀਆਂ ਗੋਲੀਆਂ, ਜਗਸੀਰ ਸਿੰਘ ਉਰਫ ਜੱਗੀ ਵਾਸੀ ਭੀਖੀ ਤੋਂ 260 ਨਸ਼ੀਲੀਆਂ ਗੋਲੀਆਂ, ਗੁਰਮੇਲ ਸਿੰਘ ਉਰਫ ਗੇਲਾ ਵਾਸੀ ਮੀਰਪੁਰ ਖੁਰਦ ਅਤੇ ਬਿੱਕਰ ਸਿੰਘ ਵਾਸੀ ਮੀਰਪੁਰ ਕਲਾਂ ਪਾਸੋਂ 300 ਕੈਪਸੂਲ, ਜਗਸੀਰ ਸਿੰਘ ਵਾਸੀ ਬੀਰੋਕੇ ਕਲਾਂ ਪਾਸੋਂ 66 ਬੋਤਲਾਂ ਸ਼ਰਾਬ, ਲਛਮਣ ਸਿੰਘ ਵਾਸੀ ਬੀਰੇਵਾਲਾ ਜੱਟਾ ਪਾਸੋਂ 60 ਲਿਟਰ ਲਾਹਣ ਅਤੇ 7 ਬੋਤਲਾਂ ਸ਼ਰਾਬ, ਜਦੋਂ ਕਿ ਜੰਟਾ ਸਿੰਘ ਵਾਸੀ ਬੀਰੇਵਾਲਾ ਜੱਟਾਂ ਨੂੰ ਕਾਬੂ ਕਰਕੇ 50 ਲਿਟਰ ਲਾਹਣ ਅਤੇ ਸੋਨੀ ਸਿੰਘ ਵਾਸੀ ਪਿੰਡ ਲਖਮੀਰਵਾਲਾ ਕੋਲੋਂ 15 ਲਿਟਰ ਲਾਹਣ ਬਰਾਮਦ ਕੀਤੀ ਹੈ।
