ਪੱਤਰ ਪ੍ਰੇਰਕ
ਨਿਹਾਲ ਸਿੰਘ ਵਾਲਾ, 10 ਮਾਰਚ
ਪਿੰਡ ਬਿਲਾਸਪੁਰ ਦੇ ਗੁਰਦੇਵ ਸਿੰਘ 77 ਸਾਲ ਦੀ ਆਪਣੇ ਨੌਜਵਾਨ ਪੁੱਤਰ ਦੀ ਮੌਤ ਦਾ ਗਮ ਨਾ ਸਹਾਰਦੇ ਹੋਏ ਕੈਨੇਡਾ ਵਿੱਚ ਮੌਤ ਹੋ ਗਈ। ਪਿੰਡ ਬਿਲਾਸਪੁਰ ਸਪੋਰਟਸ ਐਂਡ ਵੈੱਲਫ਼ੇਅਰ ਕਲੱਬ ਬਿਲਾਸਪੁਰ ਦੇ ਬਾਨੀ ਪ੍ਰਧਾਨ ਜਸਵੀਰ ਸਿੰਘ ਮਿੱਠੂ 55 ਸਾਲ ਦੀ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ ਸੀ। ਜਸਵੀਰ ਸਿੰਘ ਮਿੱਠੂ ਸਮਾਜ ਸੇਵੀ ਤੇ ਪੁਸਤਕ ਪ੍ਰੇਮੀ ਨੌਜਵਾਨ ਸੀ। ਹਰਵੀਰ ਹੈਰੀ ਨੇ ਦੱਸਿਆ ਕਿ ਜਸਵੀਰ ਸਿੰਘ ਮਿੱਠੂ ਦੇ ਪਿਤਾ ਗੁਰਦੇਵ ਸਿੰਘ ਦੀ ਮਿੱਠੂ ਦੇ ਭੋਗ ਵਾਲੇ ਦਿਨ ਕੈਨੇਡਾ ’ਚ ਮੌਤ ਹੋ ਗਈ। ਦੋਹਰੀ ਮੌਤ ਦੇ ਸਦਮੇ ’ਚ ਪੀੜਤ ਪਰਿਵਾਰ ਨਾਲ ਸੰਪਾਦਕ ਤਰਨਦੀਪ ਦਿਉਲ, ਡਾ. ਨਿਰਮਲ ਜੌੜਾ ਤੇ ਵਿਧਾਇਕ ਮਨਜੀਤ ਸਿੰਘ ਬਿਲਾਸਪੁਰ ਨੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
