ਮਾਨਸਾ: ਸਥਾਨਕ ਪੁਲੀਸ ਨੇ ਵੱਖ-ਵੱਖ ਮਾਮਲਿਆਂ ਵਿੱਚ 2 ਵਿਅਕਤੀਆਂ ਪਾਸੋਂ 600 ਨਸ਼ੀਲੀਆਂ ਗੋਲੀਆਂ ਸਮੇਤ 60 ਨਸ਼ੀਲੀਆਂ ਸੀਸ਼ੀਆਂ ਬਰਾਮਦ ਕੀਤੀਆਂ। ਸੀਨੀਅਰ ਕਪਤਾਨ ਪੁਲੀਸ ਗੌਰਵ ਤੂਰਾ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਨੇ ਕਾਕਾ ਸਿੰਘ ਵਾਸੀ ਜੋਗਾ ਹਾਲ ਆਬਾਦ ਮੁਬੰਈ (ਮਹਾਰਾਸ਼ਟਰ) ਅਤੇ ਸੋਨੀਆ ਵਾਸੀ ਗੋਰਖਪੁਰ (ਯੂ.ਪੀ.) ਨੂੰ ਕਾਬੂ ਕਰਨ ਕਰਕੇ 60 ਨਸ਼ੀਲੀਆਂ ਸੀਸ਼ੀਆਂ ਅਤੇ 600 ਨਸ਼ੀਲੀਆਂ ਗੋੋਲੀਆਂ ਦੀ ਬਰਾਮਦਗੀ ਕੀਤੀ ਗਈ ਹੈ।ਇਸੇ ਦੌਰਾਨ ਉਨ੍ਹਾਂ ਦੱਸਿਆ ਕਿ ਇੱਕ ਵੱਖਰੇ ਮਾਮਲੇ ਵਿੱਚ ਗੁਲਾਬ ਸਿੰਘ ਵਾਸੀ ਗੇਹਲੇ ਨੂੰ ਕਾਬੂ ਕੀਤਾ ਗਿਆ ਹੈ, ਜਿਸ ਪਾਸੋੋਂ ਨਾਜਾਇਜ਼ 1 ਪਿਸਟਲ 315 ਬੋਰ (ਦੇਸੀ ਕੱਟਾ) ਸਮੇਤ 1 ਰੌੌਂਦ ਜਿੰਦਾਂ ਬਰਾਮਦ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਨੌਜਵਾਨ ਖਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
