ਮਾਨਸਾ: ਗਦਰ ਲਹਿਰ ਤੋਂ ਨਕਸਲਬਾੜੀ ਲਹਿਰ ਤੱਕ ਆਪਣਾ ਸਮੁੱਚਾ ਜੀਵਨ ਸਮਰਪਿਤ ਕਰਨ ਵਾਲੇ ਸ਼ਹੀਦ ਬਾਬਾ ਬੂਝਾ ਸਿੰਘ ਦੀ 50ਵੀਂ ਵਰੇਗੰਢ੍ਹ ’ਤੇ ਕਾਮਰੇਡ ਚਾਰੂ ਮਜੂਮਦਾਰ ਦੇ ਸ਼ਹਾਦਤ ਦਿਵਸ ਮੌਕੇ ਇੱਥੇ ਬਾਬਾ ਬੂਝਾ ਸਿੰਘ ਭਵਨ ਵਿੱਚ ਸੀਪੀਆਈ (ਐੱਮਐੱਲ) ਲਬਿਰੇਸ਼ਨ ਵੱਲੋਂ ਇਨਕਲਾਬੀ ਲਹਿਰ ਨੂੰ ਮਜ਼ਬੂਤੀ ਨਾਲ ਅੱਗੇ ਵਧਾਉਣ ਲਈ ਸੰਕਲਪ ਦਿਵਸ ਵਜੋਂ ਮਨਾਇਆ ਗਿਆ। ਸਮਾਗਮ ਦੀ ਸ਼ੁਰੂਆਤ ਇਨਕਲਾਬੀ ਲਹਿਰ ਦੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਤੇ ਸੰਕਲਪ ਪੱਤਰ ਪੜ੍ਹਨ ਨਾਲ ਹੋਈ। ਇਸ ਮੌਕੇ ਲਬਿਰੇਸ਼ਨ ਦੇ ਸੀਨੀਅਰ ਆਗੂ ਸੁਖਦਰਸ਼ਨ ਨੱਤ ਤੇ ਹੋਰਾਂ ਨੇ ਕਿਹਾ ਕਿ ਅੱਜ ਆਮ ਜਨਤਾ ਕਰੋਨਾ ਮਹਾਮਾਰੀ ਅਤੇ ਮੋਦੀ ਸਰਕਾਰ ਵਲੋਂ ਦੇਸ਼ ’ਤੇ ਜਬਰੀ ਠੋਸੇ ਗਏ ਵਿਨਾਸ਼ਕਾਰੀ ਲੌਕਡਾਊਨ ਦੀ ਦੂਹਰੀ ਮਾਰ ਨਾਲ ਜੂਝ ਰਹੀ ਹੈ।
-ਪੱਤਰ ਪ੍ਰੇਰਕ
