ਪੱਤਰ ਪ੍ਰੇਰਕ
ਮਾਨਸਾ, 26 ਮਈ
ਬਣਾਂਵਾਲਾ ਤਾਪਘਰ ’ਚੋਂ ਲੋਹਾ ਚੋਰੀ ਕਰਕੇ ਅੱਗੇ ਕਬਾੜੀਆਂ ਨੂੰ ਵੇਚਣ ਵਾਲੇ ਇੱਕ ਵਿਅਕਤੀ ਮਨਪ੍ਰੀਤ ਸਿੰਘ ਨੂੰ ਕਾਬੂ ਕੀਤਾ ਹੈ, ਜਦੋਂ ਕਿ ਜਿਸ ਕਬਾੜ ਦੀ ਦੁਕਾਨ ਉਤੇ ਉਹ ਇਸ ਲੋਹੇ ਨੂੰ ਵੇਚਦਾ ਸੀ, ਉਸ ਨੂੰ ਪੁਲੀਸ ਵੱਲੋਂ ਬਰਾਬਰ ਦਾ ਕਸੂਰਵਾਰ ਮੰਨ ਕੇ ਗ੍ਰਿਫ਼ਤਾਰ ਕੀਤਾ ਗਿਆ। ਇਨ੍ਹਾਂ ਵਿਅਕਤੀਆਂ ਪਾਸੋਂ ਪੁਲੀਸ ਨੇ 1 ਲੱਖ 20 ਹਜ਼ਾਰ ਰੁਪਏ ਦੀ ਨਗਦੀ ਅਤੇ ਇੱਕ ਪਿੱਕਅੱਪ ਡਾਲਾ ਗੱਡੀ ਸਮੇਤ ਕਬਾੜ ਦਾ ਲੋਹਾ ਬਰਾਮਦ ਕੀਤਾ ਗਿਆ। ਸੀਨੀਅਰ ਕਪਤਾਨ ਪੁਲੀਸ ਗੌਰਵ ਤੂਰਾ ਨੇ ਦੱਸਿਆ ਕਿ ਇਹ ਕਾਰਵਾਈ ਥਾਣਾ ਸਦਰ ਮਾਨਸਾ ਦੀ ਪੁਲੀਸ ਨੇ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਨੂੰ ਅਦਾਲਤ ’ਚ ਪੇਸ਼ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ।
