ਮੁੰਬਈ, 28 ਜੁਲਾਈ
ਟੈਲੀਵਿਜ਼ਨ ਸੀਰੀਅਲ “ਮਨ ਕੀ ਆਵਾਜ਼: ਪ੍ਰਤਿੱਗਿਆ” ਤੇ ਹਿੰਦੀ ਫਿਲਮਾਂ ਦੇ ਜਾਣੇ-ਪਛਾਣੇ ਅਦਾਕਾਰ ਅਨੁਪਮ ਸ਼ਿਆਮ ਨੂੰ ਗੁਰਦੇ ਦੀ ਤਕਲੀਫ ਕਾਰਨ ਆਈਸੀਯੂ ਵਿਚ ਦਾਖਲ ਕਰਵਾਇਆ ਗਿਆ ਹੈ। ਅਭਿਨੇਤਾ ਦੇ ਭਰਾ ਅਨੁਰਾਗ ਦੇ ਅਨੁਸਾਰ ਅਨੁਪਮ ਉੱਤਰੀ ਮੁੰਬਈ ਦੇ ਮਲਾਡ ਖੇਤਰ ਵਿੱਚ ਅਪੈਕਸ ਕਿਡਨੀ ਕੇਅਰ ਵਿੱਚ ਡਾਇਲਸਿਸ ਚੱਲ ਰਿਹਾ ਸੀ। ਅਨੁਪਮ (62) ਨੂੰ ਬੀਤੇ ਦਿਨ ਡਾਇਲਸਿਸ ਵਿੱਚ ਸਮੱਸਿਆ ਆਉਣ ਕਾਰਨ ਗੋਰੇਗਾਓਂ ਦੇ ਲਾਈਫਲਾਈਨ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਸੀ। ਅਨੁਰਾਗ ਨੇ ਕਿਹਾ ਕਿ ਆਰਥਿਕ ਤੰਗੀ ਕਾਰਨ ਉਹ ਆਪਣੇ ਭਰਾ ਦਾ ਚੰਗਾ ਇਲਾਜ ਨਹੀਂ ਕਰਵਾ ਸਕਦੇ ਜਿਸ ਕਾਰਨ ਉਨ੍ਹਾਂ ਨੇ ਫਿਲਮ ਨਗਰੀ ਤੋਂ ਆਰਥਿਕ ਮਦਦ ਦੀ ਅਪੀਲ ਕੀਤੀ ਹੈ।
